#NSS個人
[GUEST] 大家好呀阻大家少少時間睇呢篇文
小妹我小學嘅時候係一個好樂觀嘅人好talkative亦都幾humorous
但係升咗上中學之後我好多嘢都變咗
我發覺我成日都喺人哋面前扮開心同假笑
成日講好多好無聊嘅嘢自己都覺得係廢話
但係如果人哋鍾意嘅話會成日講取悅人哋
我成日都去為咗嗰啲朋友同佢哋有話題
成日逼自己去睇佢哋鍾意嘅嘢
即使自己覺得冇興趣
成日為咗覆message唔溫書唔做功課
成績亦都比以前差咗好多
甚至會為咗朋友而同屋企人嗌交
我依家真係好後悔
自己點解會咁樣做
朋友話我嘅初衷比以前變咗好多
我亦都係一個好在意人哋感受嘅人
打機嘅時候我哋未齊人
跟住我就去咗睇動漫
嗰陣時通話緊
我就同朋友講話齊人就叫我
佢哋嗰陣時有話好跟住我睇得太入神
之後我發覺佢哋一早自己喺度打緊
於是我就較靜音聽佢哋講嘢
諗住等佢哋完咗之後加入佢哋唔知係咪佢哋唔記得咗
打到去第三鋪都冇叫我
跟住我就好唔開心就cut咗線
之後whatsapp佢哋好似完全冇反應咁樣
好似唔知我cut咗線
跟住我好崩潰就喺度喊
同其他朋友傾完之後我就諗係咪我太脆弱
其實只係少少事
但係我就成日喺度諗自己
明明喺個group佢哋一講嘢我就即刻覆
夜晚我都冇調靜音
一send message即刻起身覆
佢哋叫我download遊戲即刻download
但係佢哋已讀不回我
約出街講嘢無視我
但係可能佢哋只係覺得小小事
我諗得太誇張
以前嘅我唔會咁樣
我會成日好開心
會講真話
而家人哋問我可能做咩事
我成日都會作藉口
我成日喺到迎合人哋
但係人哋可能覺得只係冇乜嘢咁樣
而家我決定咗自己唔好諗咁多嘢
focus起對自己好嘅人
專注返起學習
唔好成日打機
寫到呢度好多謝你哋可以睇我呢段內容寫得好亂將啲九唔搭八嘅嘢串埋一齊嘅文
so sorry for 1999🙏🙇♀️
唔好意思如果睇到覺得好亂嘅話唔緊要
浪費咗你哋時間so sorry🙏🙏🙏
亦都好感謝admin幫我po上去ig
我以後一定會加油！
希望各位睇到呢度都可以生活得愉快 亦都要相信自己 做自己鍾意嘅事！🙇♀️