#NSS社會
[TPYC] Re(我唔記得no.，係講緊同性戀有罪個po)
你根本偷換緊概念。
第一，小偷係做錯嘢，因為佢影響到人，加上條路係佢自己揀嘅，但同性戀唔會影響人，同埋唔係自己可以揀㗎。喺兩者性質根本就唔同嘅情況下，呢個類比唔成立。
第二，歧視係指一個人因為對方一D冇犯法嘅嘢，而去給予佢唔同嘅目光。同性戀者冇犯法，都係嗰句，同性戀唔係自己決定㗎，如果你覺得呢樣嘢有罪，甚至扭曲佢哋嘅形象，話佢哋會影響其他人，就已經係歧視。
第三，冇證據證明同性戀會影響其他人，你唔好喺冇證據嘅情況下指控同性戀。而家係2021年，請你做返少少Research先至指控LGBTQ。
第四，認為對方有罪，就已經係高人一等嘅行為。除非佢犯法，咁就係法律判佢有罪，而唔係我哋認為佢有罪。你講咗咁多，根本就係凸顯緊一個高人一等嘅形象。
請你唔好又要威，又要戴頭盔。