#NSS個人
[GUEST] 長文慎入 純分享
–
小妹宜家高中，身高一直維持喺得150，我爸媽唔算矮都有160以上。
–
因為有咗我依個先例，所以佢地一直都想我個妹可以高啲，至少唔會重滔覆轍。
–
我地成家都覺得細妹應該都會有160以上，佢有均衡飲食又會做運動。
–
可惜嘅係最近佢嚟嘢，但係仲要矮我少少，我媽好擔心佢高唔到，亦知道佢唔會高得去邊。
–
今日佢揸車送我返學嗰陣，突然同我講其實佢好失敗，係咪唔識湊？點解人地嗰啲小朋友唔洗理佢都可以生到咁高。
–
佢講講下想喊，搞到我都想喊。佢同我講：想俾更好嘅嘢我地都俾唔到，明明第一個已經係咁，點解連第二個都係咁遲先發現。
–
我安慰佢：我地冇怪佢，亦冇唔開心，係會有唔甘心，但係已經改變唔到。身高唔係一切，有啲嘢係整定，係你嘅就係你架啦。
–
佢好自責，但係其實並唔係完全係佢嘅責任，我見到佢隻眼紅哂咁，想喊嘅樣，我好心痛。
–
有邊個唔係太高嘅會想唔高啲？但係我覺得既然定咗就接受現實，前幾年我都接受不到自己係咁，一唸到自己成日俾人笑，排隊排第一，坐最後睇唔到前台。
–
難受，係好難受。
–
咁唯為改變自己嘅唸法。以前嘅我身高係敏感話題，宜家我就算聽到有人笑我都冇唔開心(不過最好唔好啦)。
–
見啲人成日都笑人矮，其實有冇唸過其實冇人想咁架呢？唔係個個人都接受到，每個人都有佢背後心酸嘅故事，但係就咁就俾人揭開仲要灑鹽，所以各位將心比己。(好似越講越偏離)
–
最後想問大家有冇啲咩適合嘅話可以安慰我媽，佢感性起上嚟又講，佢話佢訓唔著，成晚唸依件事。
–
Sor for 1999
Thx