#NSS家庭
[GUEST] 唔知有冇人嘅阿媽都好似我老母咁㗎呢?
成日同我講有咩唔開心嘅就同佢講，返工遇到個老屎忽經理同阿媽呻又被佢話出嚟做嘢預咗少少苦都唔熬得
過埋暑假就嚟升f6，老師叫我哋諗下jupas揀咩好，阿媽就叫我同佢傾，但佢完全唔知有咩課程啲課程收幾多分，我想讀嗰啲科佢一係話冇前途一係就話喺香港做相關行業嘅話會冇自由，然後又係叫我自己再搵再諗。如果乜都唔同佢講，同其他女性親戚講(例如姑媽)，佢又會妒忌(雖然佢冇承認過)，即係覺得佢先係我阿媽咁鐘意搵姑媽不如認姑媽做阿媽好過。但係如果我乜都唔同人(長輩)呻，我驚遲早有一日我會頂唔順爆煲。我應該點做先可以佢又開心我又開心呢？