#NSS社會
[GUEST] 希望可以po
話說近排見到幾個 post關於基督徒對同性戀嘅睇法， 本身都冇諗住投稿，但真係忍唔住。
小弟小學同中學都係基督教啦，講番先咁我自己都係一個基督徒， 老老實實個人認為就算你唔鍾意同性戀，你可以唔鍾意，但係你唔可以唔尊重。 即係唔係話你唔一定要認同呢一種嘅文化或者呢一樣嘢喇下，但基本尊重正常係咩情況下都應該要有啦，呢個係做人嘅基本。
就算聖經講過要點點點，其實都係睇你自己點理解聖經嘅內容姐， 可能你理解嘅嘢同人哋理解嘅嘢唔一樣呢，要有自己嘅判斷力。亦都唔好盲目追隨，對於一個基督徒嚟講，見到大家信基督教都好開心，但係希望大家唔好咁偏激，唔好咁盲目。
其實每一樣嘢都係同樣道理，當你一樣嘢做得太過瘋癲嘅時候，會有反效果。 每個人都係獨立嘅個體， 都有自己嘅思考能力， 唔好過份追隨別人嘅說話，做返一個正常人要有嘅判斷分析。
就算有咩事都好，點解大家唔可以理性分析？ 其實兩邊都係， 希望本身對基督徒反感嘅人， 可以了解多啲，唔好以偏概全。 同樣道理，基督徒都唔該希望可以畀返啲尊重人哋，就算真係要討論， 其實言語真係可以溫柔啲，一開始採取更強硬嘅態度冇人想聽你講嘢。
希望大家真係可以理解到我講緊咩
唔好盲目地謾罵