#NSS家庭
[GUEST] 唔該Admin Po IG Pls꒰⑅ᵕ༚ᵕ꒱˖♡
（長文慎入！！！）
其實我想知我應該點處理我見到細佬打飛機呢件
事？
講翻小小背景先，我地一家四口人系大概系一年前搬左入公屋。因為我之前住個度系唐樓，得一房一廳，仲有個阿哥一齊住，所以未搬之前就我同阿哥訓廳（碌架床），跟住細佬就同爸爸媽媽一齊訓房（碌架床）。雖然男女有別，但系個陣屋企情況都唔允許我同阿哥分房訓，所以我唯有谷住忍住左八年。後尾一年前就終於排到一間空間大嘅公屋，阿哥又有女朋友所以搬左出去，所以我阿媽就話公屋會間三間房，等我同細佬可以分開訓。我個陣都好開心，因為我老母終於意識到男女有別要分開啦。（其實個陣嘅經濟條件系足夠支撐去租一間接近價位嘅大小小嘅單位，但系因為住個度近我老母翻工嘅地方，所以佢唔肯搬。）
但系系間公屋裝修期間，我就想去睇下裝修情況系點，順便就諗住同我媽去買家具。但系我媽就話佢會搞掂，叫我好好準備DSE，等住搬屋就OK。個陣我就冇諗咁多啦，因為始終都中六，都多少有啲擔心自己DSE，於是我就專心備戰。點知後尾新屋裝修完，我阿媽帶我同細佬上去睇，先知佢根本冇間三間房，佢淨系間左兩間（原因系間三間會擋左客廳嘅光線，佢唔中意）。一間大房佢同老豆訓，一間細房我同細佬分。我個下同細佬都呆左，因為我老母根本就講野唔算數（因為咁我仲爆喊左一次…..因為同細佬一間房就等於我永遠冇可能有一個安靜空間讀書）。
後尾我同細佬就因為呢件事覺得被呃左啦，所以就勁嬲咁去搵老豆同埋姑媽呻啦（我老母完全唔比我老豆插手裝修呢件事，所以我老豆都唔清楚裝修情況，跟住我老母仲要鬧我老豆唔幫手(´；ω；｀)）。我姑媽知道之後都有勸我阿媽，同我阿媽話我同細佬都大個左，特別系細佬進入青春期，兩個都需要自己空間，而且男女始終有別。但系我老母表面就應我姑媽話會改裝修，私底下就日日系屋企日日鬧我姑媽多管閒事（…….）。總之最後我同我細佬都系被迫訓同一間房，但系系碌架床，細佬訓上面，我訓下面。因為我考慮到細佬可能需要解決私人問題，訓下面好容易就會被老母一野闖入來嚇親(｡ﾉω＼｡)），訓上面還好啲（可以加床簾遮下），跟住書台書櫃同衣櫃就共用啦。
跟住戲肉來啦！！！！！！咁今日我出街睇完醫生翻屋企之後，就諗住入房換翻件衫啦。點知我細佬就坐左系凳到自我安慰（係啊條HiHi居然唔關門！！），咁我梗係即刻調頭走啦，個場面一度超級尷尬。我知我細佬佢青春期精力旺盛，但系佢唔關門呢件事我真係想打9佢(ノಠ益ಠ)ノ。同埋佢坐緊個張凳又系我同佢共用，就算佢清潔乾淨我都系接受唔到ರ╭╮ರ。咁上述我所講嘅我屋企嘅情況又唔允許我同細佬分房，同埋我宜家又未有足夠經濟能力搬出去獨立…….而且我比細佬訓上鋪呢件事仲要系我同我老母嘈左成個月，我細佬又發脾氣先成功爭取到。因為我考完DSE之後基本上大部分時間都系屋企，宜家又系暑假，我同細佬相處嘅時間直線上升。加埋廁所近排因為有啲問題都要整，唔係咁方便用。所以我想問下大家有冇乜方法可以處理呢個超尷尬嘅情況(´°̥̥̥̥̥̥̥̥ω°̥̥̥̥̥̥̥̥｀)
P.S.呢個情況唔係第一次發生…….之前都有類似事件出現……..我真係就來癲( ≧Д≦)點解要比我睇到呢啲野嗚嗚嗚嗚嗚嗚
再次多謝Admin｡:ﾟ(;´∩`;)ﾟ:｡