#NSS其他
[GUEST] ［長文慎入］[內容關於個人對mirror嘅睇法]
話說呢排全香港最出名嘅唔使講一定有mirror份，我個人都好欣賞佢地嘅努力，亦都覺得佢地對香港樂壇好有影響力同貢獻，但係我本身都對港星同廣東歌無興趣，即使周街都見到佢地嘅廣告，身邊啲屋企人同學等開晒fan account整應緩嗰啲，基本上日日都接觸到關於mirror嘅content，都無被吸引到……我知我咁講好似好奇怪但係我曾經因為覺得自己好唔合群同埋想同同學有話題而逼自己入坑，例如聽佢地啲歌，睇男排女將、大叔的愛同造星，mirror go嗰啲節目，但最後都係聽/睇咗少少無興趣而唔想聽/睇落去。講真我見好多人睇完大叔的愛跟住聽咗佢地幾首歌/睇咗幾集有佢地參與嘅節目已經入坑好羨慕……而家我無論係學校定online都好似異類咁完全同同學無話題，因為佢地講黎講去都離唔開mirror我真係覺得好煩……當然佢地鍾意mirror講佢地無問題，但係開口埋口都係講佢地我自己覺得太過火，可能我咁講好自私因為佢地想講乜咪講乜，但係我自己都有追歐美同韓星，唔覺得追星嘅程度要去到除咗mirror之外乜話題都無。我見身邊嘅人有啲原本唔熟就係因為大家都鍾意mirror所以就熟咗，反而我原本同啲人熟就係因為我唔鍾意mirror所以就疏遠咗。其實我都明唔鍾意咪唔鍾意無得逼，但係我自己覺得好唔甘心，點解我好好地就係因為所有人都變晒鏡粉而搞到我成日都因為咁而愁。我有諗過一個人都可以盡興(林家謙都好紅自己都無乜興趣唉不過呢句幾好用XD)，但係而家唔單止喺學校，而係好似同全港咩年齡層都夾唔到咁，真係覺得好無助……
投稿純粹係分享下一個非鏡粉嘅角度睇嘢希望無冒犯到任何人🙏🏻
Sorry for 1999 + 希望我打錯字嘅話/鏡粉睇到呢篇嘢唔好屌我😢
Admin pls post on ig thanks💗