#NSS家庭
[GUEST] 話說幾個月前我工人走咗佬,雖然屋企人都可以做家務,但係唔可以獨留兒童在家,仲要暑假,搞到老人家好辛苦勁早撲過嚟。雖然我哋都唔係好鍾意有工人,咁嘅生活仲舒服,不過始終都唔想辛苦啲老人家,阿媽就即刻周圍搵工人。前幾日有個工人上咗嚟,阿媽就同佢解釋呢樣解釋果樣,突然之間聽到阿媽話遲啲我去咗英國留學之後細佬就會瞓我間房,工人就瞓晒我細佬間房,我即刻癲咗衝入房喊。喂大佬間房係我㗎喎,你要我讓比佢都講聲啦,點解我要話聽到你同個工人解釋先知道呢個消息呢。而且我間房啲設施都算好過我細佬間房個啲,講明係唔會搞我啲嘢,但係點都會用我張枱掛。阿媽話10歲以上嘅男仔唔可以同工人瞓同一間房,因為犯法,而我細佬就嚟10歲。有冇啲咩方法可以令到細佬唔瞓我間房/_