#NSS愛情
[Guest] Admin po ig thx🙇🏻♀️
小妹今年 F3，鍾意咗一個唔應該鍾意嘅人。係，我鍾意嘅佢係我個老師。
佢係今年先入嚟我哋學校，目測二十歲到，佢外貌認真好普通，佢入嚟第一年就教我嗰班。唔知大家信唔信 love at first sight，但係我第一眼見到佢就已經大腦 hang 機。
小妹唔係嗰 d 三好學生，上堂平時都係 hea，成績中上到。但為獨係佢上嘅堂，我真係比考試仲認真。為咗可以令佢有小小注意到我，佢教嗰科我整整溫咗三個月，對於我呢啲唔溫書嘅人真係極限。最終我考到唔錯既分數（65+ / 80），但係都係比其他學霸壓咗落去，佢仍然冇注意到我。我同我自己講，係我自己唔夠人勁，唔夠人打，唔怪得佢。
又到臨放暑假前段時間，我係我frd到聽到佢好似有咗女朋友。其實之前隔離班已經有人話鍾意佢。嗰陣我每晚都係到問自己，其實我係咪應該要放棄佢，因為我知道我點到唔夠人打。鍾意佢嘅大有人在，係學校裏面，係學校出面都有，我每晚到比嗰種無力感搞到喊。但我可以肯定最了解佢既人係我，我記得佢鍾意食嘅野，鍾意做嘅嘢，我為咗見多佢幾眼可以整個 lunch time 企係 staff room 出面等佢出嚟。我唔甘心。
但近排我諗通咗（算係啦），我由一開始其實心裏面有數，佢同我冇可能，我地之間既距離差太遠。但我想話比佢聽，你可以一直向前行，我會一直喺後面追住你。但我希望喺我追唔郁你之前，你可以回過頭望下我，哪怕你望完我之後都係一直向前行，哪怕之後企係你旁邊既人唔係我。
祝你幸福。
Sorry for 1999，純粹抒發下個人感受，不喜勿噴不喜勿噴🙏🏻