#NSS個人
[GUEST] Admin plz post on IG plz. Thanks! 😊😊
大家好, 小弟今年16歲。( 雖然唔識講嚟有咩用，不過見大家都講嘅話 ，我就照跟啦🙃) 我同同學相處得幾好， 但我始終好多時候唔敢將心裏面嘅想法話畀佢哋知。 我諗個問題嘅成因係因為我喺同同學閒談嘅時候，好多時候會講咗一啲其他人未必有興趣知嘅嘢。 首先講下個人嘅背景先， 我對於哲學同埋社會科學都好有興趣。 有時候， 喺同同學食飯傾偈嘅時候， 可能會講多咗哲學嘅成分， 佢哋又冇乜興趣想知， 通常我都會識做收聲（喺呢個情況下， 我絕對唔會唔收口咁不停講， 因為好似喺度懶叻咁）。 但時間耐咗， 我就覺得好難同大家溝通， 覺得好難先搵到一個會願意陪我一齊 傾哲學嘅人。 請問有冇人係對哲學/社會科學有興趣？ 希望我可以dm到你哋， 大家一齊討論下。🙂🙂
另外希望同大家講聲： 唔好因為哲學看似唔實用所以拒絕接觸哲學啊！🙂哲學嘅邏輯概念( 例如類比推理) 好多時候都可以應用喺其他學科度㗎！ 如果大家想開始接觸哲學嘅話， 其實唔難㗎， 可以去書局睇下一啲哲學書籍， 例如： 《形上學： 理論與批評》， 想接觸社會科學嘅話可以睇一啲輕鬆啲嘅社會類小說，例如著名嘅《1984》、《我們》、《美麗新世界》 等等嘅書籍。
最後， 祝大家喺疫情下嘅生活加油！
圖Link: https://ibb.co/k6VWtcp