#NSS學校
[Guest ] 我真係好想離開呢個世界，人係需要錢，但係真係唔需要太多
咁講吓我嘅背景先啦(我為免有人認到我都唔會講得太詳細）。我自認係一個好有錢嘅家庭生長，爸爸媽媽做國際生意，有親戚係全港首富。咁我諗我其他家庭背景都唔需要多講.
入返正題啦，我一我都見過好多例子係一個有錢嘅人會比其他人排斥。所以間學校原本除咗老師之外冇人會知道我係一個咩背景嘅人。我每日都係搭校車返學，而我上車嘅地方唔係咩豪宅區，喺學校嘅日常用品文具雖然唔會係太平但係都一定唔貴(普通文具店買)。我一直喺學校都過得好平常，有時放學會同朋友去食下飯出去玩下。好平常嘅生活一直去到六年班尾段，我其中有一個朋友真係好friend，我嗰陣時都真係好天真當佢死黨咁，咁佢有一次唔記得帶鎖匙，佢媽咪話夜晚先至會攞俾佢因為要返工之後佢俾咗個電話我聽，之後佢媽咪就問我可唔可以去我屋企留一陣先，我當時戇居居唔係好識拒絕，咁我見到佢咁好朋友就OK啦。佢嚟到我屋企嘅時候就發現我屋企環境好好，咁佢就好八卦咁問吓我家庭環境係點。我就同佢講我爸爸媽媽係一個啱嘅時機投資咗好多錢所以都成功咁賺返好多錢，不過呢間屋都係攞嚟投資㗎咋，純粹係未有人買所以我哋就自住。咁佢就信咗啦，咁佢返到學校都冇乜特別做咩繼續好平常咁搵我玩，直到我哋f1年尾嘅時候，佢無端端轉性，做一個好popular嘅人，例如佢返學會化妝，特登做少少犯規嘅嘢引人注意。咁我哋嘅關係就疏遠咗少少，但係佢應該係俾第二個人帶壞左開始喺度周圍講人壞話講吓講吓就講到我。佢喺度啊我阿爸阿媽係啲失敗商人，買來投資嘅樓賣唔出，都懶高竇要住XX山。呢件事好快唱比佢唱通街，嗰陣時基本上全部都係12歲到，好細個。咁之後佢哋都上網search我個名。我都慢慢比佢哋起底。咁老師好快亦都發現咗呢件事，佢又叫啲同學唔好再咁搞我。咁好明顯個老師咁樣做完之後啲同學會更加喺度話我有公主病，俾人仲壞晒etc
由嗰日之後我嘅學校生活就好差，連本身同我好朋友嘅人都離我而去，因為基本上邊個同我玩邊個就會俾人欺凌。我有問過爸爸媽媽可唔可以轉校，但係佢講呢間係一間好好嘅學校，唔好因為其他人而放棄自己前途。我聽得明佢講乜嘢，但係我而家日日返到學都度日如年完全冇朋友。要做good project嘅時候更加尷尬，因為冇人肯同我一齊。
我知好多人會話我身在福中不知福但係我而家成個人好似抑鬱咁，乜都做得唔好，影響我個情緒同學業
sor for 1999 屌輕少少唔該