#NSS學校
[Guest] 小妹升F2,好掛住個小學老師
佢係我小五同小六嘅中文老師,因為小二至四嘅中文老師都教得唔係幾好,所以我哋成班精英班嘅中文水平好低,不過佢會幫我哋整notes,所以我哋呢兩年進步咗好多
佢份人好cool, 除咗學業之外佢唔會理我哋其他嘢,簡單嚟講佢淨係會做自己需要做嘅嘢,不過佢一做就會盡心盡力,雖然佢真係好cool,不過相處落其實幾friendly
呢兩年俾佢教完,我啲中文真係進步咗,而家上到b1A都應付到,不過我同佢嘅回憶實在太少,小五嗰陣覺得佢好悶,冇乜留意佢,20年停課嗰陣,我學校4月先開始有zoom,嗰陣佢開始要放產假,等佢放完產假,我哋其實已經復課,不過上唔夠兩個禮拜佢嘅堂,又話要停課,我同小學同學仲有聯絡,間中會10幾人一齊返小學探老師同一齊玩,不過中文老師要返屋企湊B,我哋個個放學去到小學嘅時候佢已經走咗,其實我間中學喺小學附近,距離大概500米,不過我而家嘅放學時間比小學晏好多,放學嗰陣都係冇機會見到老師,咁朝早返學前呢?我小學嗰陣,每日田徑隊晨練都見到佢,佢每日7:15返到學校,我間學校7:30先開校門,根本冇可能見到佢
我前幾晚發夢返小學搵佢,估唔到喺夢入邊都見唔到佢,唔通真係永遠都唔會再見到佢?我真係好掛住佢,大家有冇啲方法可以俾我搵到老師?
如果可以嘅話
admin可唔可以幫我post ig
thx