#NSS文化
[HK] Sor for 1999 唔係奶共 唔提及任何政治立場
唔知大家有冇睇過「解密工作室」
呢個channel有一個系列係解說一啲香港嘅著名人物
睇完呢個系列之後成日都有啲感嘆
龔如心、李小龍、藍潔瑛
呢啲人以前係香港嘅著名人物
「小甜甜」「中國人，唔係東亞病夫」「玲姐」
宜家仲有幾多個人記得？
所有嘢都被所有香港人銘記
但係宜家嘅細路好似已經忘記曬呢班傳奇人物
同宜家啲細路講：「你知唔知小甜甜係邊個？」
佢哋都茫然不知
佢哋嘅一生明明係一個傳奇
當然唔單止佢哋三個 所有傳奇人物都值得銘記
可能我份人比較感性
我前兩日經過如心廣場 心入面唔知點解好難過
呢兩棟建築令我對龔如心同王德輝嘅愛情刻骨銘心
李小龍同藍潔瑛都係藝人 佢哋嘅一生好似曇花一樣
一閃即過
曾經係風靡亞洲嘅武打明星李小龍
現今居然被下一代遺忘
曾經係全港市民皆知嘅美人
依家竟然冇人記得佢係邊個
呢篇文唔係想指責任何人
我只係希望香港曾經嘅所有光輝歲月都可以被銘記
既然古代唐宋元明清時期嘅人物都可以被銘記
咁點解香港呢啲勝似明星嘅人唔可以被記住？