#NSS愛情
[Guest] 係咁嘅 我同男朋友拍咗拖差唔多半年 熱戀期大約剩係得一個月
跟住嗰段時間佢就開始對我忽冷忽熱 鍾意就覆唔鍾意就唔回覆 自問我自己真係好忙 但係我再忙我都會抽盡所有嘅時間去陪佢傾偈
成日都話想我點樣點樣 增進呢段關係 但係其實佢純粹係得個口話俾我聽佢想點 每次都係等我去做主動嗰個
咁我都唔介意 佢好多時會因為好少嘅事就發我脾氣 唔滿意我好多嘢 覺得所有事情嘅發生原因都係因為我 基本上佢冇乜點認錯 每次佢一唔開心發脾氣我就會即刻認錯（有時都唔知自己錯啲咩甚至乎係冇做錯任何事）
每次傾偈傾開佢嘅事就會好熱情 但當講到我自己嘅心事或者係事情 就會即刻好冷淡 淨係覆一句 「umm…」/ 「 哦」 etc
有好幾次佢話喺我屋企附近 想見下我 都會好開心咁即刻落去搵 佢 有時驚佢唔舒服 落雨搞到自己病都照去搵佢 關心佢
佢話想去邊度玩我都會即刻幫佢去搵 佢話想做啲咩參加咩活動我都會支持佢
但係佢對我 就好似咩都唔關佢事咁樣
佢覺得我好多嘢都唔應該做 但相反我對佢就冇乜要求
佢好多嘢都會好冇底線咁樣照去做 （有時仲會喺我面前讚其他女仔 /同佢嘅異性朋友 過分接觸 ）其實我都好介意純粹我冇講出嚟唔想佢唔開心
咁其他事我都覺得唔緊要啦 但係我真係唔想佢再對我忽冷忽熱或者係完全唔理我 至少比番一刻嘅關心我都好 有返少少責任感
完全當我普通人一個
自問我真係唔係一個完美嘅女友 但係我無時無刻都會用盡我嘅所有方法 包容佢關心佢遷就佢 令到佢開心
呢段時間我的確好唔開心嘅 差唔多喊咗幾個月 （好彩都冇咩點影響日常嘅活動或者學業）
佢對我哋之間好多事情都唔記得 好似已經完全唔再緊張呢段關係 （而家一路投稿 諗返起又開始想喊 ）
佢識好多甜言蜜語 （唔知對其他女仔係咪都係咁）
有時仲會作唔同嘅故事呃我
（唔知佢算唔算渣男？）
嚟緊九月我就要去外國讀書 la 都唔知佢仲記唔記得 但臨走之前真係好想 佢可以再對我有一刻嘅關懷 仲記得我哋呢一段感情。
答應過佢嘅事我都有做足 但係佢答應我嘅都唔知做足有幾多樣
而家心情都有啲複雜 唔知應該點樣處理呢一段關係？ 🤧
Sor for 1999 （有啲長多謝睇到最後 ）
圖Link: https://ibb.co/fnF3pS8