#NSS家庭
[GUEST] 小妹今年14，六年班嗰陣啊媽喺我電話裝咗個跟蹤app，佢話如果想自己同同學去玩就要裝個app，咁我嗰陣時梗係話裝啦。我問佢會裝個app到幾時，佢話唔會中三中四都用個app嘅。問題就嚟喇，我而家升中三，我同佢講話幾時delete個app，佢就成日借D椅唔理我或者轉移話題。最近我再問佢，我話:「你之前又話中三會del咗個app，咁而家我都升中三啦，係咪del得？」啊媽就黑哂口面咁話:「你之前夠冇咁多問題啦！」我話:「我冇問題啊！我話想del個app咋wor」跟住佢就唔應我🙂次次都係咁，講過唔算數。佢成日話想知我放學返咗屋企未，但其實佢已經喺屋企個廳裝咗個cam，佢話裝嚟係睇住個工人，根本就係mon住我。我工人下年走，所以應該可以解決到個問題(如果佢唔走數…)但係個app真係搞唔掂，次次一講親呢個話題佢就發哂脾氣，我又好怕被佢鬧…究竟我可以點，真係好辛苦好大壓力…
Sorry for 1999，希望大家可以幫下我🙏唔該哂🙏