#NSS個人
[GUEST] 分咗手三個月 我仲係好頹
是咁的，小妹有個拍左拖半年都冇嘅ex，佢係我初戀，但係五月就分咗手。分咗之後佢過咗一個星期就有第二個，而我仲係日日食唔安瞓唔落，唔單止冇胃口，情緒都好唔穩定，成日無端端喊，有時又傷心到極點都喊唔出。我所有原本有興趣嘅嘢都冇晒興趣，做乜都冇精神。分嗰時臨近考試，但係我連温書都冇心機，到最後考衰左。
維持咗咁嘅生活三個月，我真係就嚟痴線，有時仲諗過死咗佢好過。我好努力去放低佢，唔諗佢，但係我真係做唔到。我已經頹咗成個暑假，我唔想開咗學都係咁。
再加上我自己冇乜真心frd，屋企人又唔知我拍過拖，想揾個人傾都難。我咁樣屈住屈住真係就嚟崩潰，有冇人可以俾下建議俾我睇開啲🙇🏻♀️