#NSS愛情
[guest] 希望admin可以揀中我
話說小弟鍾意咗個女仔， 佢細我一年，我同佢呢小學就已經開始識 , 不過我同佢就唔係好熟，佢同我唔同中學，見面嘅話都係因為我哋平時返church。但係直至到最近，對佢有feel，成日唔覺意咁留意佢關注佢。( 補充:小弟而家係AE歲 )
佢邊彈琴邊唱歌真係好charm，佢運動又好叻， 仲要係名校生。佢性格又好溫柔，完全係我杯茶， 咁呢幾日我諗住同佢慢慢發展，好似好朋友咁了解佢多啲先，唔好一嚟就勁溝佢咁。
不過佢前嗰幾日同我講佢讀埋今個學年就要移民，我完全唔知點算好，好想追佢，但係我都唔知應唔應該開始呢一段嘅關係，我唔想畀自己留下遺憾。我卻步，因為假如我追到佢，最後嘅結果係咪都係分手，身邊都有朋友long D， 結果大多數都係分手收場。不過，其實我都要認清現實先，因為我都未必追到佢。
到最後，所以我想問下，我究竟去唔去馬好？ 因為我怕開始一段時間線錯嘅戀情，到最後更加傷感。定係我而家努力去追佢，假如真係畀我追到，
我努力讀埋呢三年嘅書，佢都係下年先走啫，即係兩年long D， 海外升學有冇得諗？不過其實我講講下都覺得好自己講嘅嘢好荒謬， 但係機會係留畀有準備嘅人。所以我真係好迷