#NSS社會
[Guest ] Admin po IG pls, thx
我返緊份part time, 我返11點，佢成10點40幾分，差唔多11點先wts 我唔使返。我返到去，佢話，我咪wts 咗你今日唔使返囉！我問佢，幾時㗎？佢話，今朝囉！我再check 一check, 原來早15分鐘先同我講，佢同另一個同事講，兩個剔㗎喎！我同老細個wts setting 係有得睇藍剔，我心諗，灰剔同藍剔，你識唔識得分呀？仲有，嘩！你唔好等到我返到嚟，先至同我講今日唔使返？！
第二，間餐廳得我一個part time 員工，一個full time 廚師，老細，同埋老細個仔，4個人。老細個仔就負責入單、聽電話同收銀，而我就負責出餐，執枱同洗碗，我明白，太子仔係要負責做啲輕手野，但係，成日有時候電話響、客人要落單同收錢同一時間嚟，個太子仔就做唔嚟，我想幫佢，佢就話：唔使！等我嚟！等我嚟！ 咁好喇，我咪唔幫佢，等佢自己做喇，但係佢又做唔嚟喎，之後佢就喺度「嘖、嘖」聲、「哎呀！哎呀！」老細見到咁樣，又發我脾氣，黑口黑面咁對住我。
第三，間鋪頭得嗰百幾尺，有時候老細個老母嚟幫手，佢真係唔嚟好過嚟，出餐又唔識，淨係識得將啲食物、飲品由廚房遞出嚟同我講，呢個係1號枱、2號枱，咁樣嘅話，佢嘅作用係咩呀？傳聲機呀？ 之後廚房同佢講，碟食物係1號枱，佢將碟食物俾1號枱嗰陣，同個客講：1號既，我心諗，你講乜呀？！同個客講枱號嘅作用係乜呀？！啲客都黑人問號佢。而家入餐廳都要探熱，個老母無端端去搞個探熱器，搞到個探熱器響，佢就喺度叫：咦！佢響喎！ 嗰陣時又多單，又要出餐，我根本冇時間理佢，之後個老細又話我對佢老母冇禮貌，黑口黑面咁對住我。
第四，我返工最主要嘅工作就係洗碗，通常忙完午市嗰個半鐘，我就會開始洗碗，但個老細就成日喺我洗碗嗰陣就阻住我，話：你等陣先洗喇，我做埋啲野先。咁我惟有話：好喇！但係，佢就偏偏等到我臨收工之前先叫我開始洗碗，要我好短時間內洗哂一大堆碗，仲要倒埋垃圾，又唔俾翻OT 錢我喎，我有同佢講，佢話：你做快啲咪得囉！係你自己慢咋喎！
第五，個太子仔真係好冇禮貌，唔識得講唔該借借，淨係識得講借借，或者係Fing 一fing 手就當叫咗人借借。
第六，我係時薪計，有時候，我早做完啲嘢，未夠鐘，就惟有坐到我收到為止喇，點知到出糧嗰陣，個老細計少咗糧俾我，我同佢講返，佢話，你嗰陣做哂啲嘢，坐咗喺度，我點解要俾錢你呀？！我解釋：我做哂啲嘢，未夠鐘收工，佢話，你係應該要做哂啲野，如果唔係我請你做乜呀？！我話，但你出少咗俾我喎？ 佢話，你坐喺度嗰陣都冇做野，我點解要出俾你呀？！
Sor for 1999
純粹發洩