#NSS學校
[GUEST] 小弟升F2, 係一個比較冷靜同理性嘅人，同時好被動，呢種性格有好有壞，好在做嘢嗰陣唔會比情緒影響到，唔會咁衝動，比較有效率，壞在。。。有時會好尷尬，小六同F1嘅last day, 班入邊所有女仔都喺度喊，而我非常唔好彩，兩年附近好多女仔，佢哋喺度喊我一陣，我突然覺得好尷尬，last day對我來講其實冇乜嘢，因為我覺得反正之後都會再見面，喊黎做乜，不過見到佢哋喊，我對耳就紅晒，feel到對耳發熱嗰種，不過我又冇想喊嘅感覺，問題係我又坐前排，個班主任又問我對耳做咩紅晒，我都唔知點答佢
有一次仲尷尬，發生喺F1某一日，坐我附近嘅女仔要用cutter, 佢又唔識用，就問我可唔可以幫佢，咁我覺得到到F1都唔識用cutter好唔正常，於是就擰頭，諗住俾佢自己試吓，點知佢𠝹到自己隻手指，喺度大叫，跟住有一班女仔又沖過嚟，其實我書包入邊有膠布，不過喺班女仔前面我又唔係好夠膽拎出嚟，為咗避免麻煩我就走出咗班房，點知女班長沖出嚟，問我做咩袖手旁觀，我只係答咗句，你哋帶佢去medical room啦，我見到女班長嗰陣係呆咗，佢可能係覺得我蠢掛，不過其實我唔係因為蠢先答嗰句，而係為咗避免佢哋覺得我不負責任先咁講，老實講係嗰個女仔自己𠝹到手，根本唔關我事，我講嗰句都應該算係幫咗佢㗎啦，不過班女仔就唔係咁覺得，女班長應該係講咗件事比其他女仔知，跟住佢哋就特登避我，應該係覺得我蠢？點都好每次見到佢哋都覺得好尷尬
想問吓大家有冇方法可以同班女仔做返正常嘅同學？我唔係冇frd, 其實同班男仔都幾熟，會一齊打波，不過同班女仔嘅關係真係尷尬到一個點
admins post ig plzzz
thank you