#NSS家庭
[NA] 喺今年1月嗰陣，阿爸因為欠阿媽幾千蚊所以嗌交。嗌完交之後，冷戰就開始，佢哋冇互相講過任何嘢。今年2月，爸爸終於肯還錢，我以為件事就咁算，但點知佢哋兩個冇人肯開口先，所以冷戰冇停過，直至到我寫呢篇文嘅時候（27/8）都未好返。期間阿爸阿媽都喺屋企嘅時候阿媽不斷指桑駡槐，表面鬧我，但其實喺度鬧阿爸，然後火藥味越嚟越濃，我每次都會用唔同藉口使開阿媽。雖然佢哋嘅關係冇再惡化，但我真係想佢哋好返。上個禮拜我要出去，工人姐姐去買餸，點知屋企淨返阿爸阿媽，諗返起嘅時候勁驚佢哋會嗌大交，好彩最後冇嗌交。
其實如果我出聲嘅話，阿爸阿媽要好返唔難，但至弊我講唔出口。我都諗過搵學校社工，但我驚社工會直接搵我阿爸阿媽，我又做唔出。希望大家俾啲解決方法我🙏