#NSS社會
[[香城中學]] 是咁的，小妹被幾句說話搞到自己愁左好耐。想求下大家嘅意見同睇法。
講番背景先，我是一個持續性抑鬱症嘅患者。不嬲都有喺某間醫院覆診，近排因為貧血問題太嚴重，被母上大人逼左去睇另一間。
有個好大嘅問題是：我驚打針(但未嚴重到話要到博命咁逃避)。我承認自己咁大個女驚打針好荒謬，但同時都想講，人都有自己害怕嘅事物，我有朋友驚狗、驚打雷、驚昆蟲……只不過是我驚嘅比較偏門咁解。
咁嗰醫生通知我，檢查要打針驗血嘅時候我已經唔太開心，有少少不安。點知佢就講左以下呢兩句說話：
「妳連界手都唔驚啦，妳驚打針？妳地啲年輕人唔喺見血就笑架咩？」
旁邊仲有個護士喺度附和，我當下聽到除左沉默同嬲，淨係可以好努力咁忍住，唔俾啲眼淚湧出嚟。
之前嘅每一次界手都是因為對自己嘅憎恨，而唔係為左分泌胺多酚(如寫錯歡迎更正)。我好難講呢種感受，好似無力感同厭惡交加折磨自己咁，最後只是更加絕望。但點解你地用幾句說話就否定曬我為生存付出嘅努力咁？明明唔了解我嘅經歷，只是望左我個病歷幾眼，點解可以強加自己個價值觀喺人地身上仲要覺得自己好幽默風趣？
最可笑嘅是，我翻到屋企同讀緊醫科嘅家姐講呢件事，佢有同個反應：「妳連界手都唔驚驚乜鬼打針啊。」
自問平時自己都有讓座比人坐，又唔衝紅燈，會為守護香港而願意犧牲自己嘅人默哀，可能算唔上三好青年，但至少都是個良好公民……究竟我做錯左啲咩？
我知疫情底下嘅醫護人員真係好辛苦，坦白講我都好尊敬佢地。但每次覆診都見到佢，又冇得轉醫生，驗血前佢又鐘意講多次「見血就笑」(對我來講呢幾個字真係難聽過粗口)……講完之後呢句會喺我腦內迴響一個星期，然後心情又更差……
到依家我都係好驚打針，但我已經唔會再表現出來，因為我知道人心比打針更加可怕……
多謝大家睇到呢度Orz
P.S.鍵盤差，打唔到刀字旁嗰個界。
Sorry for 1999