#NSS其他
[GUEST] 因為一隻狗，我鄰居鬧咗我一家10年
我小學嗰陣，對我好好嘅鄰居搬走咗因為為咗俾小朋友有更好嘅校網。
有一日，我開門吹住風做功課嘅時候，新鄰居係睇單位嘅時候隻手鬆開咗狗帶，佢隻狗衝咗入我屋企。（因為隻狗係中型至大型犬，而且狗種明顯唔係金毛嗰種比較溫順係會咬人嗰種，而且我嗰陣好細粒）
我好驚，所以就同係睡房嘅媽媽講，結果爸爸翻屋企再同佢講，於是佢哋去投訴，因為我地係政府宿舍，講到明唔俾養狗。結果投訴完，鄰居就開始鬧我地一家時不時見我地開門就對空氣講粗口同埋砰門，因為唔想再嘈，所以都一直忍，就咁樣過咗十年。
後來佢見冇人又大膽番，越來越早放狗，而重點係其他住戶會驚，有一次見位姨姨唔敢入𨋢因為佢隻狗。今日佢仲光天化日，中午12點放狗。因為怕影響人所以又去投訴佢，結果佢今日佢差啲打我老竇（好彩有其他人撳住佢，所以先冇打到。
我夜晚落街食完飯番屋企，咁都咁啱俾鄰居係電車嘅下層見到行緊番屋企嘅我，一路用粗口問候我一家，連條街啲人都以為佢係傻嘅。翻到屋企仲大大聲話洗地，差啲倒水倒到我地啲嘢。於是影底情況，就發癲用粗口問我地影咩，話有肖像權，我地想閂門仲踢我地度門唔俾我地閂。
其實難聽講句，隻狗短命嘅早就走咗，而我鄰居10年前之所以搬嚟度係因為俾人投訴佢隻狗所以要佢走。而一開始投訴根本唔係要你人道毀滅或棄養，如果可以送養當然好，但如果唔可以咪偷偷地養，只要唔影響根本唔會理你。
但當問題影響到我鄰居因為隻狗一直對我一家精神轟炸咗10年（依家嚟緊11年），而不論鄰居嘅精神轟炸以及放狗行為已經證明咗隻狗影響到其他人，其實我係咪應該搞大件事趕佢走？
Sorry for 1999