#NSS家庭
[rcs] 今年1月，阿爸因為欠阿媽錢嗌交，之後冷戰開始，佢哋互相冇再講過任何野。喺2月嗰陣，阿爸還曬錢，我以為阿爸阿媽會好返，但點知佢哋冇人肯開口同對方講嘢，冷戰都冇停落嚟，直至到我寫呢篇文（4/9）都未好返。其實阿爸都好錫阿媽，冷戰期間都帶佢出街食飯，但阿媽都好似無原諒阿爸咁。幫我哋成家人出街，阿媽成日指桑罵槐，表面上鬧我，其實鬧阿爸啲缺點，火藥味好濃，次次我都好驚會唔會又嗌交，所以我都使開阿爸或者阿媽，或者轉移話題。
其實我想佢哋快啲和好，雖然我出聲佢哋應該會和好，但我講唔出口，我諗住搵社工，但我好難開口，等社工主動搵我傾偈，希望你哋可以俾啲意見我🙏
求 po IG