#NSS學業
[mlklssomfbum] 係咁嘅，小妹今年form2。由普通班升咗上精英班，咁上年嗰時就輕鬆好多la，用英文教(本人英中)嗰d課老師講到重點都會用中文同埋專登放慢講，同埋大家都好鬆。但宜家嗰d老師都講得好快，同埋差唔多冇句英文，加上本人英文個基礎同能力都差過人，全堂聽咗等於冇聽。英文老師仲要係外藉老師，唔會有中文，仲出事。但係問題就係，好似全班都跟到同識，有時嗰d老師講下笑(用英文)，全班係度笑，但我完全唔知做緊咩，唯有跟人笑，d功課都做得好差，搞到宜家開學都未夠兩個禮拜就已經好大壓力。請問大家有冇方法令個英文好d，至少知老師乜都好，如果唔係真係搞唔掂🥲