#NSS個人
[guest] 咁小妹宜家就讀緊女校啦，最近呢一年開始發現我好似開始鐘意女仔。
我無同家人講，因為家人，特別係爸爸從細就同我地講同性戀係一件好差嘅事情，佢之前亦曾經表示如果我地如果係同性戀，佢係絕對不會認我地做仔女。因此我同細路妹從細就被灌輸同性戀係一件非常值得羞恥嘅事。
再加上我小學係讀男女校，而且小學都有鐘意嘅男仔，所以咁樣嘅環境令我非常認同爸爸嘅說話。
但係今年我發現，我每次同我中學同學講嘢嘅時候，成日都會忍唔住想拖佢隻手或者想抱佢咁，雖然可能純粹係想保護佢咁，但係因為爸爸對我灌輸嘅念頭，令我覺得自己好噁心。
我有強迫過自己交男朋友，雖然一開頭同男朋友溝通得唔錯，但係後來我對佢越嚟越無興趣，就分咗手。之後都試過重複幾次咁樣嘅事情，每次分手後我都會覺得自己好渣，唔鐘意人做咩同人拍拖？
我宜家真係唔知點做好(ಥ_ಥ)係同爸爸講定係可能去睇心理醫生(ಥ_ಥ)
Sorry for 1999🙏🏻
thx admin🤍