#NSS學校
[Guest] 其實當我自己一直為我認為嘅「朋友」付出係咪好6uo
話說我上年中一同A好frd(同一班)，今年我同A都係喺同一班，我知道嘅時候其實好開心，但係唔知點解暑假問A咩班嘅時候，A係會同我講，但係一講到我同A同班嘅時候A好似好反感咁。
咁依家開左學差唔多兩個禮拜，我都係一啲比較內向啲嘅人，所以基本上我係新嘅一班肯溝通嘅同學真係一隻手都數得出，除咗上年同班之外基本上我係唔敢同新同學傾偈，甚至問功課。我可想言之就係淨係同我上年好frd嗰個一齊傾偈，但到呢幾日，我開始覺得A唔係好想理我。即係可能想體育堂想問A借部電話呢填返學校個form嘅時候，A係可能寧願借俾一個啱啱識冇耐嘅同學，而對我就話「你都傻嘅我做乜要借俾你，你咪自己返屋企先填。」嗰一下好似個心好似好奇怪。
可能係因為我成日諗太多嘢，導致我覺得可能係因為我講過啲咩而激嬲咗A。平時可能小息傾偈，傾一兩句，因為A講嘢都幾mean，所以令到我反應唔切，搞到成個氣氛dead air左。同埋A會講嘢好似令我覺得我唔小心激嬲佢，就搞到A黑我面咁。
同埋呢幾日A做緊數學嘅功課，咁A問我攞答案，咁我覺得俾A都冇咩所謂，所以就成份俾咗佢。但係可能我問佢攞答案嘅時候，A喺同我講話你自己上網搵咪有。嗰一刻我都唔知點答A好。即係可能我覺得呢啲嘢俾吓冇所謂，但係可能係咪A唔肯俾返我呢？
而且我同佢講係依一班我嘅朋友可能得A一個，A係會話我你可以自己去同其他人傾，但係因為之前我經歷過某啲事，我唔敢再同其他人交流，A係果件事之後我識嘅第一個朋友，日積月累，我真係非常非常之信任A。因為我嘅交友圈子實在太細，所以其實我除咗學校嘅朋友之外，基本上我唔會再嘗試識其他人。我知道好多人都有另一啲嘅圈子，所以我唔會話你一定只可以有我呢個朋友。
但我希望我為你付出嘅時候，你都可以俾返少少我🙏🏻如果你睇到嘅話，我並唔需要你講啲咩，我只係懇求你可以當我係一個朋友，甚至係一個同學🙇🏻♀️
我想問吓大家都可以走返出之前嘅陰影，因為我喺嗰幾次之前我係一個幾外向嘅人，肯去識好多唔同嘅人，同埋我想問吓大家有冇啲乜嘢擴闊交友圈子嘅方法。唔該晒大家！
我講嘢可能有啲1999，但請見諒🙏🏻
Thx admin!