#NSS愛情
[GUEST] 好感激當時狠心嘅佢
話說小妹鍾意咗一個男仔四年
第一年我都算有啲曖昧(至少我認為,雖知自作多情)
就係我最開心嘅時候
我發現佢有女朋友
當時冇唔開心
可能係未反應得切
竟然選擇繼續暗戀佢
我恨當時嘅我竟然幻想佢會放棄佢女友
真係想反自己白眼
每晚都唔開心
終於喺第四年
有一次老師叫我跟名派簿
派到佢個陣唔小心掂到佢隻手
但係我離開唔夠兩步
我見到他跟第二個兄弟講
「嘩!佢掂我隻手!」
聽得出有幾嫌棄
冇諗過唔小心竟然畀佢認為係有意
發現原來佢眼中我就係咁嘔心
呢三年嚟我已經好努力
盡量唔好露出一點我鍾意佢嘅表現
但係當時聽到嗰陣時唔係唔開心
而係覺得得到解脫
如果佢早啲表達對我嘅討厭、嫌棄
我就唔會好似之前咁唔敢面對事實
一直徘徊喺期望…失望…又期望…
算啦
呢個世上有好多人暗戀一個人十幾年
我只係暗戀四年就清楚佢對我真正嘅諗法已經好好
感激佢嘅狠心
令我真真正正放低佢
而家夜晚已經冇再諗起佢
Sorry for 1999
文筆唔好請見諒