#NSS愛情
[Guest ] 純發洩，篇文可能有啲長🙇🏻♀️
小妹同一個男仔一齊咗兩年，直至幾個月前⋯
上年，小妹識咗個朋友(女仔嚟嘅)佢同我ex都friend嘅。嗰陣，我有時會呷條仔酷，因為佢成日去個女仔個位同佢傾偈，點解我會同到佢傾偈呢嗰陣時，只係因為我坐喺佢附近。直至調位，佢都唔算係成日嚟我個位度
直至前幾個月，我因為有啲事所以同個女仔關係變差，嗰陣，我唯一最想要最需要嘅係身邊有一個人可以同我講心事，講吓笑講乜都好嘅人。大約係我同個女仔關係變差一兩個禮拜之後，我前度開始冇再send豬俾我都唔緊要啦(佢仲夠膽死send俾個女仔)我嗰時真係好嬲，不過見係佢生日嘅前一日就吞聲忍氣啦🙂
後尾佢越嚟越唔尊重我，開始唔重視我，甚至連WhatsApp都係Hea睇，臨近分手前，佢同我講咗句，最近我好忙連我自己啲時間都唔夠用，又點可能有時間搵你，我就即刻提出分手!(當然仲有嗰排日積月累我哋發生過嘅事啦)
自此之後，我亦都冇再當佢係朋友！其實我有懷疑過，係個女仔特登拆散我哋兩個，當然呢一樣嘢唔係剩係得我一個咁講，身邊有好多人都係咁諗。而家個女仔同咗我前度一齊，我以前就同我前度嘅現任女友好熟嘅，亦都知佢而家條女從來唔會覺得男朋友係最重要，反而覺得佢啲好朋友同死黨先係最重要，我有勸過佢唔好有啲咁嘅諗法，係佢唔聽啫！
我前度仲夠膽同我個fd講，話覺得我正常都會hurt啦(佢咁樣同我講嘢喎)，不過唔通因為我hurt，佢就唔理佢而家條女咩！我明白佢有咁嘅諗法，佢係圍住佢條女轉啫，佢條女唔係圍住佢轉阿嘛，平時放學見到對方，叫都唔叫聲，其他人拍拖就算唔係好揚嗰啲，都會覺得自然俾人發現咪發現囉。佢哋又唔係咁諗喎，好似驚死學校啲同學知道自己拍拖，佢哋只係最熟嗰幾個朋友先知，我真心冇見過啲人好似佢哋咁囉！唔係要佢哋鋪IG曬命，但係自然俾人發現咪算囉，人哋都係當講笑咁樣講你幾句啫。就算知，做乜要收收埋埋好似地下情咁，佢之前同我一齊仲揚d，起碼啲同學係覺得我哋係一齊！
佢哋自己拍拖係佢哋嘅事，但係問題係，佢根本都未放開我，其他人同我講㗎(仲要Cap埋WhatsApp對話俾我睇)，最令到我驚訝嘅係，佢話佢鍾意佢條女但係唔知佢條女係咪真係真心鍾意佢，大佬唔係真心重點同你一齊呀(呢句先最大問題)！佢條女仲要係見一個愛一個嗰啲人。佢咁樣不顧而去我又唔知佢發生乜嘢事就分咗手，佢係咪應該要負最大責任，當然可能我自己都有唔啱嘅地方，所以我知有呢種可能性我都即刻問佢係咪我錯？佢完全無視我嘅問題，只係我覺得唔可以再係咁落去，就分手
我唔係話想阻止佢嘅幸福，只係覺得佢條女咁樣拆散我哋兩個，而個男仔又不顧而去，最終想引我講分手，咁樣係一件好不負責任嘅行為！如果佢講到我哋兩個有乜嘢地方導致分手，都可以接受到(大前提係我真係有做過嗰啲事)。問題係佢唔講就分手，我覺得呢單嘢我唔做返啲嘢真係對唔住自己，我可以點做？
麻煩admin幫我po上 if,thx🙇🏻♀️🙇🏻♀️🙏🏻