#NSS愛情
[Guest] 首先交代一下背景，呢邊係女，雙性戀。有同男仔、女仔拍過拖，所以都幾肯定自己嘅性向。性格過於粗獷（X），喺女校嚟講太man。閨蜜以前聲稱自己係鋼鐵直女，永遠唔會愛上同性。佢初戀極度pk，令佢患上驚恐症。
咁最近閨蜜就又同一個pk拍拖啦，我都好睇唔過眼，做得friend都唔想自己friend又俾多一個pk hurt。可惜佢自己唔帶眼識人，咁我都無計，我每次都淨係祝福同埋佢俾人飛咗之後安慰佢。
今日佢突然就send message同我講「講啲嘢俾你聽啊，我原來係bi㗎，我幾鍾意你呢type嘅女仔。如果今次同呢個男朋友都唔掂，我就嚟英國搵你啦。如果你肯，不如我哋拍拖啊？」我個下當然嚇一跳。雖然我曾經對佢有feel過，但係短時間同埋無表白（加上嗰陣佢同另一個pk拍緊拖）我就hea覆話「好啊～好啊」
跟住過咗大概半個鐘，佢就話「唔好意思啊，我頭先飲大咗亂send嘢，當我無講過啦。我只係唔知點解覺得我哋可以拍到拖，所以亂send嘢，唔好意思啊」
大家如果係我，會點覆😂