#NSS學校
[Guest] 平時返學，都係屋企人車我返學。
去到學校落車之後，屋企人就會u turn(掉頭)。
因為再沿路向前行就會好塞車。
一直返左x年都係咁，
其他家長車學生返學都係咁，
雖然起香港道路法例黎講係違法嘅，
但係我地完全冇塞住學校嘅校巴或者校門口，
亦冇試過令條路嘅交通系統癱瘓。
反而有時有啲工程車泊起學校附近，
塞住搞到學生冇位落車(唔知係咪同學校工程有關)
但係呢排就有學校職員(男)起度拍片，影住啲車，然後報警。
警就打比屋企人話要扣分、罰錢。
連累屋企人我當然有罪惡感。
但係最令我髮指嘅係學校職員拍嘅片，
學校冇宣布過會拍片比警察呢樣嘢，
而企出黎拍片嘅學校職員係男性，
有時候都會有女同學著裙返學，
落車嘅時候走光都係常事，
如果呢啲畫面被拍攝呢？
係咪都係會為左證據充足而會被保存同send比警察？
同埋學校職員咁樣拍片真係冇侵犯到學生同家長嘅私隱？
影片被保存、轉發比唔同嘅人等等嘅情況我地學生家長都無能為力。
如果拍攝器材唔見左，影片被有心人send左出黎、流出嘅話會唔會有xxxxxxxxx中學走光影片流出嘅主題、標題？
片中同學就會受到輿論嘅壓力，甚至冇辦法抬起頭做人。
學校又係咪承擔得起等等嘅責任呢？
學校真係唔可以唸啲好啲嘅方法？
有冇啲suggestion可以俾我😞
(學校位置比較偏僻，搭乜鐵巴士嗰啲都要行好大段路，有次我屋企人冇u turn 警察都打比我屋企人
同埋都想保障返同學、自己同屋企人嘅私隱)
利申：我好愛學校，亦都好鍾意學校嘅管理，讀書都好開心😃，我亦對警察冇任何偏見🙂👮🏼♂️，只係議事論事，並冇對任何一方有唔好嘅偏見
請同樣咁做嘅學校唔好對號入座
上面嘅xxxxxxxxx唔代表我校名就係9個字
我用自己igshop黎投稿
希望唔好估呢間係咩學校(驚秋後算賬)
唔好搞大件事 我仲想起度讀書😂🙏🏻
睇到呢度多謝大家，sor for 1999