#NSS愛情
[GUEST] 長文：
我今年form5，上年識咗個女朋友，細我兩年，讀間傳統女名校。我哋之前都未拍過拖，一直感情都好好，周不時會出下去玩，亦好少嘈交，見佢讀女校亦信任佢，唔覺得佢會出軌或者咩嘢。
不過唔知點解我呢幾個 weekend 揾親佢都唔多理我，成日話有 project 要做，但呢個講法已經由暑假嗰陣用到而家，我一個月前已經覺得怪怪地，不過冇當面話佢。
而家開咗學而我早放過佢，所以如果嗰日放學冇補課都會盡量趕去接佢。兩個禮拜前，我去到學校門口等佢，等咗佢一陣就出嚟，不過佢見到我之後第一時間就衝咗去揾另一個企咗喺門口嘅男仔。我當下真係 shock 咗，心諗wtf，然後我行過去問佢嗰個邊個嚟。
佢就話係佢個阿哥嚟，大佢三年，即係大我一年，但因為 repeat 過所以讀緊 form5。我即刻冇咁驚，咪一齊去食飯囉。我哋三個去咗間餐廳，我同女朋友坐一邊，然後佢阿哥就坐我哋對面。嗌完嘢食之後我去咗個廁所，點知返到嚟佢阿哥坐咗我女朋友隔離。我咪唯有坐對面囉，反正佢哋只係兄妹。
之後嚟咗嘢食啦，我食緊麵嗰陣突然聽到我女朋友嗌咗一聲。我問佢做咩嘢，佢只係擰頭話冇嘢，但又向下望。我就望下檯底有咩嘢，原來佢阿哥喺度摸緊阿妹大脾。係我睥住咗佢阿哥一陣之後先至冇再掂，但我返到屋企都覺得自己可能諗多咗，或者只係佢兩個算係比較熟嘅一對兄妹。
隔咗三日，襯放早又諗住接佢啦。我冇通知過佢，諗住畀個驚喜佢，咪衝去佢學校接佢囉，不過佢阿哥又喺嗰度。佢兩個傾緊偈，向緊我呢邊行過嚟。我女朋友見到我就好似好開心，仲衝過嚟除低我個口罩錫我嘴，話趕住兩點要去補數，陪唔到我。咁我都冇計，咪叫佢小心啲，然後自己去附近茶餐廳食自己囉。
不過呢個禮拜入面四日（禮拜三放假），我都想去接佢，咪 send 咗個 message 講話我係天后站個大堂，叫佢落嚟揾我。但佢每次都話補習，除咗今日佢miss 咗我個 message。我今日見佢唔覆我機，咪周圍揾佢囉，終於揾到佢嘅時候又係同佢阿哥一齊。佢哋入咗閘之後我就跟埋入閘，然後一直跟住佢哋落電梯。不過越嚟越覺奇怪，佢哋冇著到校服，換咗普通便服，而明明住筲箕灣，做咩搭咗去西區嗰邊嘅方向呢？
我一直跟佢哋尾，上咗佢哋架地鐵，然後去到灣仔，我發現唔見咗喺另一卡車廂嘅佢哋，於是我就趕係閂門之前衝落車，然後又一直跟住佢哋尾（我知可能犯遊蕩罪，但我冇犯罪意圖）
佢哋去咗7仔買嘢，但我冇理由入埋去，如果唔係佢哋就見到我。等咗佢哋一兩分鐘，又繼續跟住佢哋啦，行咗十分鐘轉咗入好出名嗰間百X酒店。
我見到即刻喺條街度嗌咗句 the fxxk ，打開 signal message 佢
“““
Where are you?
你做緊咩啊？
”””
佢 signal 兩個剔但冇睇
再用 whatsapp 問佢啦但係得一個剔
打電話就去咗留言信箱
我review 返成件事，睇下有冇bug，反而醒起先頭佢哋入7仔其實就係買緊condom。我越睇返件事就越覺得唔對路，咪打畀佢阿媽問，知唔知XX(女朋友個名)去咗邊？
佢就話佢去咗補中史，叫我返屋企休息先，因為佢四點先補完。我因為真係唔想喺條街度等佢哋出嚟，所以返咗屋企先。去到五點，佢先至覆我話返咗屋企，話 sorry 要補習冇得陪我行街，仲叫我唔好嬲，遲啲陪返我。
我情急之下 send 咗句「但我見到你同阿哥喺灣仔喎」，不過 send 咗十秒，都係淆底 delete 咗，唔知佢有冇睇到。佢問我 de 咗啲咩，我又唔敢講，咪話 send 錯咗份 pdf 畀佢。
我已經唔知講咩好，我唔想同佢坦白，因為我想繼續照顧佢，而且我冇咩值得信任嘅人，佢係唯一一個。但係一諗起佢就幻想到佢被阿哥下面X嘅畫面，不過一日唔同佢坦白都唔會知道發生咩事，可能佢有苦衷？或者只係被阿哥迫去X啫？我到底係咪真係好似電影咁，做緊悲劇嘅主角？我想大家畀少少方向我，btw 多謝睇到嚟呢度。
圖Link: https://images.app.goo.gl/GXMLR5aqZqqjnzb48