#NSS家庭
[Guest] 小弟今年15歲，同老豆老母一齊住，我覺得我老豆老母完全係啲classic Asian parent，尤其係我老母 ，成日都要逼我唔撚鍾意嘅嘢，就好似我其實根本唔鍾意打籃球，咁我已經好心平氣和咁同佢講:“我唔想打籃球，我可以落去樓下跑步呀嘛樓下又有緩跑徑。” 點知我都未講完佢已經係咁鬧我，又話咩做運動係畀我自己受益，我唔做都冇人幫到我，大佬我冇講過唔做運動喎，我淨係講我唔想打籃球咋喎。 仲有好多好多呢啲鬧劇，我覺得佢完全唔尊重我意見。
咁今日，佢又又又又又催我去剪頭髮，但係其實根本都唔算太長，咁我都算，我同佢約定話我星期一放學再去剪，因為我星期一要見一啲人咁樣，唔想剪個7頭去見人，然後佢就開始吼:你星期一要返學咁鬼唔得閒，你依家唔剪想幾時剪，再加上依家係父母畀錢你剪，仲咁多嘢講，又話咩見人剪頭髮就啱啦，佢仲要全部都係以憤怒語氣講，好似要逼我同意咁樣，我嗰一下真係嬲咗，我好聲好氣同你商量你喺度吼我， 雖然佢成日都係咁但係呢次我真係忍唔到，我就同佢講依家啲頭髮係生喺我度，我想幾時剪咪幾時剪囉，你唔好每次都要逼我做啲我唔鍾意嘅嘢好唔好，等我畢業後一定會即刻搬出去住。大概就係呢啲
然之後我老豆老母都話我咩不孝，又話已經對我冇咗任何希望期望呢啲，其實大佬我都淨係想佢尊重下我意見啫，定係或者我語氣真係重咗？我依家都好confused我係咪做錯咗，有冇留言區嘅各位大神賜教，thx