#NSS家庭
[Po ig thx] 小妹今年13歲 一家四口 有一個阿哥 唔知幾時 我屋企人開始討厭我 我每次同frd去完街返到屋企 佢地就話我冇温過書 但我前一日由夜晚11點半去到凌晨2:00都温緊 但佢地瞓哂覺完全唔知 7:00要準時起身返學 我遲左一兩分鐘 佢地就會沖入黎攞衣架打我 用腳踢我 勁大聲咁嗌我起身 但我2:00温完書又刷牙執埋d野都2:30 5個鐘都瞓唔到 其實我嗰間學校出咗名嚴格+多功課 日日十幾份 一星期3 quiz 2 dict 壓力勁大 quiz一唔合格要抄書嘅成篇課文 但屋企人只會覺得我慢吞吞 唔想做搵藉口
其實我係一名鏡粉 星期日做哂功課温完書就會去拎應援 拎完之後返到屋企 佢地咁啱放工返屋企 就話我一日淨係識睇手機同mirror 本人又有濕疹 就話我成個乞丐咁 又醜又煩又矮又貪慕虛榮又有濕疹 真心好hurt
我一駁佢地嘴或唔應佢地就好似發左din咁 又扔爛我電話又扔哂d書同書包去街嘅垃圾站 之後怪我唔控制住佢地
有咩好野永遠留俾我哥 例如消費券咁啦 我哥買哂剩返先俾我 連一餐飯都食唔到 佢地唔會去罵我哥 佢地話因為男好過女 話遲d我嫁左出去唔會理我地
我其實有諗過去姑姐屋企住 但我冇呢份勇氣 我驚會冇左個老豆老母 但我真係好辛苦 好大壓力 日日成日喊
Sor for1999