#NSS個人
[Guest] 第一次投稿，如有錯字或寫得199請見諒
Hello! 小弟今年14歲 從form 2開始有個問題困擾住我，就係社交能力差，太怕羞
點差法？我唔敢喺全班都focus喺projector嗰時走去老師度交嘢，因為我好唔鍾意全班嘅目光都落喺我度(其實可能唔會望住我，但我自己會諗) 仲有我喺form 2 wts group 成年都冇send過message 基本上我喺成年都冇識過任何新朋友，而家只得返form 1識落嘅frd (我form 1果時冇社交困難)
有社交困難嘅我生活上有啲咩不愉快? 首先，同學唔記得我嘅名同我嘅存在係經常性發生嘅事 然後到分組做project，屌你滷味我最撚憎group project因為我係次次都係剩低冇組嘅人 其實呢個感覺真係好撚難受….
我係想改左佢，我有試過改但係我都係衝破唔到自己嘅心理關口 不過好彩，我的社交困難唔係日日都想宅而係困難喺主要係唔太熟識嘅人，平時同朋友都係玩得癲嘅
做個綜結，我係知道自己因為喺青春期，自我意識強左，自己較care人地對我嘅睇法和評價，加上我一直抱住講多錯多的睇法，所以我一直都唔係喺班wts group入面開話題果個 雖然我知我係因為青春期但係我有時都會諗多左覺得自己有社恐 我有社交困難但係我都想被認識同認識多D朋友/異性朋友 中學階段喺人生得一段，我唔想被「讀書」呢兩隻字綁住，我係希望我嘅中學階段是有趣同開心嘅
我投稿係因為我想分享下自己嘅故事同睇下其他人同我有冇一樣經歷或者睇下有冇改善左社交困難的人可以分享下改善嘅方法