#NSS學校
[Guest] 原來分左班真係冇以前咁friend
我地學校f1-2 一班，咁我就識左一般好好嘅朋友，每日都會一齊返學放學。但係今年重新分班，佢哋個個都一齊係一班，而我就自己一班。
一開始我地仲係每日一齊返學放學，但係因為兩班放學時間唔同，有時就要互相等對方。我因為要等哂所有同學放學先可以走，所以通常都係佢地等我。但係有時佢地放學就會直接一齊走，留返低我一個… 雖然佢地唔係日日都會等我，但一個星期都會有兩三日一齊放學。
我如果早過佢哋放學都會去佢哋課室等。今日我就一早係佢哋班房等，等左好耐佢哋都未走得。中途我就發現自己有野漏左係自己課室，咁我就返去攞，諗住之後再返過嚟等。但係當我返嚟嘅時候就只係見到佢哋嘅背影…… 因為我哋兩個課室一個喺走廊頭一個係走廊尾，兩邊都有樓梯，佢哋就自己係另外嗰邊走咗…… 其實行我呢邊樓梯反而仲快去到學校門口，點解佢哋唔行呢邊，或者有冇諗過經過我課室睇吓我仲喺唔喺度呢？嗰下其實我都好傷心……
我知道唔一齊放學其實只係好小嘅事，我承認我玻璃心啦。但係我真係好希望日日都可以同朋友一齊放學，一齊傾偈…… 唔知大家有冇同感？