#NSS個人
[Guest] 同基督教有關，不喜勿插
小弟f2, 阿爸阿媽都係基督徒，自細（好似係k2開始）返主日學，最近開始唔想返，原因係覺得啲道理同自己嘅價值觀好唔同，有啲反感，小學嗰陣講嗰啲神蹟我覺得ok, 都信嘅，f1開始講道理多過神蹟，係有啲悶不過我都覺得冇乜問題，到f2, 講嘅嘢唔知點解唔同晒，而且嗰啲道理同我一直以來嘅價值觀完全唔同，有一部份我都覺得ok嘅，不過有啲真係好想拍枱反駁佢，初初都冇嘢，只係忍吓，不過我開始頂唔順，而且呢啲道理越嚟越多，我次次都就嚟爆，不過當然會忍住，我唔會話嗰啲道理係錯嘅，雖然我好反對，但係始終要尊重返個信仰，雖然唔想返，不過喺嗰度識嘅朋友都係真心frd, 未必話好熟不過大家都好friendly, 我又唔想因為唔鍾意聽嗰啲道理而失去呢班咁好嘅朋友
我同阿媽傾過，佢份人幾隨和，不過當然唔俾我唔返，但係我真係好唔想，我覺得佢應該都會俾我嘅，咁我想問吓大家，以我咁嘅情況，應唔應該繼續返主日學？
希望admin揀中我
唔該晒