#NSS愛情
[Guest] 首先交代下背景，小妹今年讀緊初中，女校，係bi。 以下有啲資料就唔交代得太清楚了，驚畀人認得，希望各位體諒🙏🏻
是咁的，小妹就喺IG識左個師姐，高我一級(但其實都只係大我一至兩個月左右)。識咗將近三年，冇面對面傾過計，但喺IG有傾下(但只係傾過好少，且每次都係講幾句就完， 仲要一年只係傾嗰三四次!)。佢唔知我個樣係點，亦唔知我個名(但我兩樣都知)。我地有好多共同喜好， 明明可以好多共同話題，但由於我內向，成日唔敢搵佢講嘢， 亦驚佢會覺得我煩，但其實我好想同佢熟D。
呢段時間以黎， 我哋都keep住cls下對方啲posts咁(comment, like, share) 。 我亦密切留意住佢啲story (佢啲story同佢份人一樣，好有趣)久而久之，我對佢嘅好感越嚟越多，越嚟越想更加認識佢。 唔知點解有時甚至會無啦啦幻想下同佢行街(妄想症發作💩)， 加上唔知係咪因為睇得太多漫畫，有時直頭幻想我係攻佢係受， 然後我好主動，佢就比較被動&怕羞(sorry🤡)
佢ig story不時會po佢同佢班朋友(女仔)出去玩， 有時仲會寫「好嘢又去拍拖lu~」之類嘅說話。 佢之前仲話佢身邊啲友仔好多都唔係bi就係les， 根據我嘅直覺，佢都似係bi。 我成日睇住佢同佢啲friend去玩，我好想有一日我都可以同佢去玩…😪 但無奈嘅係，我哋冇乜交流， 基本上未可以完全話係識對方，佢分鐘都未有當我係佢嘅「朋友」， 可以同佢出街呢件事根本係遙不可及…
我有啲朋友叫我進取啲，多啲同佢講嘢 ，慢慢就可以熟啲， 仲可以趁佢生日嗰陣時約佢喺學校見面，送禮物俾佢。 問題係我唔太識打開話題🙉 忽然間講聲hi跟住搵佢講嘢又好似好怪。
而我有啲friend就成日潑我冷水嘅， 佢哋話通常啲人都對啲師弟妹冇也好感，甚至反感。 叫我唔好搵佢，一陣煩倒人或者嚇親人，比人block埋就真係仆街。 仲話溝師姐嘅成功率係零。
到底我應該點做？
以上。
我好想認識佢，同佢熟D，但又唔知點做好。想問下大家意見🥺
同埋大家覺得師妹溝師姐嘅成功率係點呢？呢度有冇人試過？
多謝你哋睇到呢度！ 希望嗰位師姐唔會睇倒呢個post，驚佢認得我講嘢嘅語氣🙉
sorry for 1999及任何錯字