#NSS社會
[GUEST] 有沒有覺得班人成日讲D政治野真系巧Q煩?
相信大家見到個標題又5P字又殘體字都想diu向左走向右走7我。
小弟跪喺度向各位俊男美女say個sorry先，
畢竟標題要夠轟動性，
咁追求速食文化嘅香港人先會撳入嚟睇長文。
(冇錯呢篇係長文
講TLDR嘅死全家兼生仔女冇屎忽
年年利是封得10蚊)
是咁的，
小弟喺某日碌碌下Secret見到某啲留言:
留言人A:🐱
留言人B:🌅👩
留言人C:🚍
😒:“關你屁事 不理政治就要被當無知嗎？”
😑:“咁多組織 真心唔記得 又唔影響日常生活 根本唔會特登去記”
🙄:“十單新聞九單政治🥱😒俾啲正常啲嘅新聞嚟得唔得啊…唔想聽國家有幾偉大啊…🔥”
哇哇哇!😡😡😡
睇到小弟我即時扯起咗把火!🔥🔥🔥
心中頓時冒出了一把轟轟烈烈的烈火想問候佢哋祖宗十八代呀呀呀!!!
打完個飛機冷靜落嚟之後，心諗“diu咁不如直接寫篇長文呢”
好癈話唔多講交代完背景之後講直接入正題。
1:究竟乜嘢係政治？唔理政治係咪代表「無知」？
3:唔影響日常生活嘅嘢係咪可以唔理？
4:政治新聞係咪唔正常？
政治是由各種團體進行集體決策的一個過程，也是各種團體或個人為了各自的領域所結成的特定關係，尤指對於社會群體的統治，例如統治一個國家，亦指對於一國內外事務之監督與管制。狹義來說，這個詞多用來指政府、政黨等治理國家的行為。然而社會學家也用來指涉包括各種利益機構、學校、宗教機構在內的相互之間的關係。
字就大家都識，
咁理唔理解就係另一樣嘢。
總括而言上面提及到嘅政治就係“羣體決策”
可能你會話現今香港嘅“決策”係由小部分人決定。
冇錯你講得好啱，咁係咪代表我哋冇嘢可以做？
Well Yes,But exactly no.
喺現階段嚟講，香港公民冇可能透過
議會方式重新改變權力格構，亦冇可能奢望外國勢力出手。難聽啲講句，反修例運動喺結果論嚟睇已經“失敗”，五大訴求有一個成功？結果就係國安法通過，同送中條例通過冇分別。
然而，
就整體得益而言，
香港本土派成功堀起，
更多人睇清舊有政黨嘅缺陷。
可以話係政府嘅打壓反而點起咗另一點火花。(小弟仲有另一篇文喺nss個app度講香港政治光譜煩請大家過目)
問題嚟喇，你唔理呢啲嘢。
係咪無知？
蘇格拉底曾經講過
“One thing I know,that is I know nothing.”
即使係小弟，都認為自己係無知小人，喺現實生活，我衹不過係平平無奇嘅毒L一名。正正因為知道自己無知無實力，先會去理解一大堆政治知識去充實自己。
One of the penalties for refusing to participate in politics is that you end up being governed by your inferiors. – Plato
你唔理政治，政治都會嚟揾你。
相信大家都聽過呢句，
你唔理政治係你嘅選擇，你可以繼續沉淪於娛樂。
但係你忽略咗個重點，
你可以“娛樂”唔係必然，
係呢個港共政權認為“娛樂”對管治有用而充許你擁有。
畀個例子你:
近日，中國新華社旗下媒體「經濟參考報」發布一新聞，表示遊戲對未成年人就猶如精神鴉片、電子毒品一般，未成年人的網路沉迷現象相當普遍，將對其身心健康造成影響。
-立場
中國嚴打「精神鴉片」 青少年只能周末玩三小時網絡遊戲
-BBC
簡單啲講句，
香港人依家享受緊嘅嘢，
正正就係中國政權打壓緊嘅嘢。
由網絡長城限韓令到限制青年打機，
相信去到2047年香港都會係咁。
如果你唔理政治做隻港豬，
他朝一日你享有嘅一切俾政府限制嘅時候，你唔好講點解，因為呢個係你同大眾對政治嘅忽視而造成。
教協、賢學思政、大學學生會、熱血公民、石牆花、光城者，短短幾個月就有唔同嘅組織解散。各位港豬肯定係馬照跑舞照跳咁過住平凡嘅日常生活。上面已經寫得好清楚唔理政治會發生咩事，但係我想講，乜嘢係“日常生活”？乜嘢影響唔到“日常生活”？
sim卡實名制，何已完抹黑同性戀，23條立法等等。
呢啲政治事件可以影響香港人嘅日常生活。老老實實，你生活喺社會之中就注定會受社會事件影響，衹係差在你接唔接受。(當然啦你俾人強姦嗰陣可以選擇逆來順受)
社會組織扮演唔同嘅角色，當政權打壓呢啲組織嘅時候，代表一定有下一次。下次可能係為咗打擊男團文化而打壓XX後援會，亦有可能為咗打擊“與中國傳統文化背道而馳”嘅同性戀而打壓同性戀組織。
“起初，納粹抓共產黨人的時候，
我沉默，因為我不是共產黨人。
當他們抓社會民主主義者的時候，
我沉默，因為我不是社會民主主義者。
當他們抓工會成員的時候，
我沉默，因為我不是工會成員。
當他們抓猶太人的時候，
我沉默，因為我不是猶太人。
最後當他們來抓我時，
再也沒有人站起來為我說話了。”
好簡單，當冇人再支持被打壓嘅組織，政權就會得寸進尺。
韓劇Pinocchio當中有句嘢令我印象深刻。
「想看的新聞和該看的新聞到底哪個才是優先？」
冇錯，政治係好黑暗好麻煩，咁係咪代表唔正常唔應該睇？資訊性新聞？TLDR，政治新聞？WFC?如果人衹係追求思想快感，吸收一啲無需思考嘅資訊，結果咪會缺乏邏輯思維，盲目相信一啲九唔搭八嘅嘢，造成“愚民”嘅出現，乜嘢水晶精靈黑魔法祈福，看似荒謬嘅嘢都有人信。當一個社會充斥著呢啲“愚民”，咁呢個社會先係形而上嘅“民智未開”。而民智未開嘅社會，根本唔值得擁有民主。
最後，
呢篇絕對唔係咩飛機文，
小弟希望大家今晚攝高枕頭諗下自己有咩問題，之後了解下香港政治史，訓練下邏輯，諗嘢唔好用啲大愛道德嘅角度睇。
喺現時嘅議會冇可能阻止到任何惡法嘅通過，要由上而下咁改變成個權力根本係痴人說夢。所以由下以上咁改革先係唯一出路，喺機會出現之前，希望大家可以修文集武。完。
希望admin可以po ig啦
我已經好努力咁唔打粗口㗎喇
如果太多字可唔可以分開2個post?plz
同時希望大家可以轉用app
因為ig真係好垃圾
真係完。。。