#NSS愛情
[GUEST] 請求Admin po ig🙏🙏 thxx
標題：友情定係愛情？
⚠️長文注意⚠️
小妹中四，有個中一識嘅同性好朋友(叫A)，A好靜，而我係個成日講野嘅嗰類人，咁啱A中一同我坐，所以得閒就搵佢傾計，上堂無聊就一起玩XO井遊戲(我唔記得叫咩)，中二中三都一起同一班，但係唔係坐隔離。
中三去中四嗰個暑假我就同同學玩真心話大冒險，首先我被問到如果要同所有朋友裡面其中一位拍拖，會選邊個。我嗰陣二話不說回答係A，之後大冒險有個同學叫我係wts扮同A表白，想睇下A有咩反應(A雖然文靜但係都玩得起嗰類人)。我表白完開始驚A會唔會真係認真看待，所以我係佢仲考慮緊嘅時候同佢講只係一個惡作劇，隨即其他同學就邀請佢入wts group問佢感受，被問到如果我係認真嘅話會唔會接受，佢話唔想我唔開心所以都會同我一齊，嗰個同學有話「不如你地真係一齊？」我仲未唸，A同個同學講「你滾」其實我都唔清楚佢點唸，所以冇特別回應，之後就覺得其實同佢一起都唔係唔可以，但係我a0，唔識拍拖之如仲未清楚自己嘅性取向，加上屋企人唔希望我嘅伴侶係女仔，所以就放棄左個想法。
但係到左中四就唔同班，而且科目分組全部都唔同組別，所以大家都少左見面、傾計。我地都冇再講嗰件事。最近天氣開始凍，我又唔記得左帶毛衣，所以手掌都凍曬，呢幾日因為學校有特別活動都要我地排隊入禮堂聽講座，座位係自己選嘅，所以可以一齊坐，佢俾左個暖包俾我，但係我仲覺得好凍，所以一手拿住暖包，一手捉住佢隻手，佢又冇特別表示D乜，之後因為我發現佢隻手好似傳熱傳得快D，所以就還返個暖包比佢(唔好問我點解，但係嗰陣真係咁)，雙手捉住佢隻手，間唔中換手咁樣。
講真我唔知道究竟呢個係咩感受，但係我明顯感受到我對佢比其他朋友特別，之前我有個閨蜜(宜家同我唔同校)亦都有呢個感受，不過呢次勁D，所以我宜家唔清楚呢個感覺係好friend嘅友情定係愛情，希望大家可以俾D意見俾我，呢樣野已經煩我煩到宜家🌚
多謝睇到呢度嘅你