#NSS家庭
[GUEST] 唔知有冇人同我老母一樣好鍾意將氣撒落自己仔女到😿
小妹今年中二，有一個細妹，平時我哋兩姊妹關係唔差，但係我媽咪可能有陣時返工唔開心，會將返工人哋比佢嘅壓力同受過嘅氣撒落我兩姊妹身上，但係我哋已經做好晒佢要我哋做嘅家務，甚至我已經做埋洗廁所洗垃圾桶嘅要求，佢都係照鬧。
不過而家好咗好多，起碼唔會打，細個果陣係郁手打，大個咗好少少，唔會打淨係鬧，但係鬧嘅嘢都好難聽，例如咩仆街冚家剷嗰啲，我都唔明白點解佢要鬧埋自己🙃
我都會安慰自己其實佢只係工作壓力大或者啲同事真係好衰好衰，但係聽到佢鬧我哋嘅說話真係唔好受，甚至因為佢經常咁樣我同我細妹喺屋企都唔會開心，成日驚自己做漏乜嘢俾人鬧，又或者有陣時淨係佢/我俾人鬧，心理會唔平衡（？我都唔識講，總之就係心會唔舒服。
其實我爸爸好錫我哋但係要返工，多數食飯先番，翻到屋企已經又辛苦又攰🤦都唔知點樣開口同爸爸講呢件事，大家有冇咩建議？
sorry for1999