#NSS愛情
[GUEST] 篇文有啲長 但係希望大家會睇曬去
我係男 今年中五，咁話說我之前有個女仔frd 同佢識咗三四年，由上年12月到開始熟咗，都會長傾分享吓日常咁。當然重點係嗰陣時我都係對佢有啲嘢，可能因為我份人本身冇乜自信 同埋冇乜朋友，而佢話當我係bro，於是我就好信佢。佢之前都會成日問我借錢，少至幾十蚊 多嘅時候幾百蚊都有，但係從來都冇還過，不過我都冇追過佢，因為我可能我對佢有嘢掛？但係到今年2月 年初三嗰晚，就見到佢就po咗個Story 話佢俾咗出面一個女仔frd(下稱A) $500利是，之後我就DM佢問佢點解我冇(即係嗰陣純粹係諗住撩佢傾吓計、問吓佢冇諗過話 叫佢要比我嗰啲)但係之後就嚟啦，佢就唔知點解好介意就喺度嘈，之後又話咩同A講咗，即係A都係啲有少少背景嘅人。然後一開始就話叫我送層樓俾佢先原諒我😅 後尾就叫我比一萬蚊(因為我都係咁同佢say sorry 同埋都好驚冇咗佢呢個朋友，然後佢突然之間又話A要捉我去俾啲教訓，之後佢就扮晒好人咁話勸緊A嗰啲，最尾就話一係三月底前要買好多名牌俾A(1對mcqueen/華倫天奴+gucci卡套/fred pr既衫×2)、一係就入會跟A。但係想講以上嘅嘢 同之前本身我個frd 佢自己有個list想要嘅嘢係90%一樣😅 之後我有問過佢，但係佢話因為同A係friend所以啲品味都差唔多…
之後接着每日佢都喺度用唔同原因問我攞錢，成日喺度話A逼佢嗰啲 ，又話如果唔俾嘅話就會搵人打我，但係因為A唔識我所以會去打佢。咁因為我嗰陣仲對佢有嘢所以咪心痛佢(因為佢嗰陣有send過幅瘀咗嘅相嚟，不過應該係佢自己整傷)所以就每次少少少少咁轉俾佢 。有一次仲過分到專登叫咗我去新城市 Channel YSL，佢聲稱話叫我幫A買唇膏，但係之後睇返佢Story 佢應該係自己用。然後最後成件事仲更加離譜，去到呢啲事過一段落之後，佢就話已經幫我俾晒啲錢比A ，因為嗰排A都不斷叫我比錢，每次都係幾千幾千甚至萬，佢就聲稱幫我俾咗二萬蚊佢個妹，然後一萬係佢嘅、另外一萬就係佢問另一個friend借。但係其實我由頭到尾都冇見過嗰一萬，我亦唔相信佢會有(以佢日日返學搭的士嘅性格)之後果次就開始係咁話我爭佢錢。去到呢度已經唔關A事，不過去到呢個位嘅時候我應該已經俾咗超過二萬蚊A ，然後佢仲想繼續屈我，仲整咗個時間表叫我每個禮拜比接近$1000佢，直到九月就會還清晒佢所謂嘅錢。到呢個地步我已經忍唔住，因為本身諗住算啦唔俾都比左咁樣繼續比，起碼可以keep住呢個friend。然後我就開始搵friend求助，佢哋就旁觀者清，即刻叫我唔好再俾錢佢，然後再同佢講話我老母知道咗，之後佢即刻勁驚話唔使再還啦，成件事終於完咗。
不過其實佢幾年前已經有前科，其實都唔係第一次，F2嗰陣佢都呃過我一次 買AirPod。即係之前佢淘寶買咗個假嘅返嚟嘅好大舊葵廣$99 一個嗰啲，之後佢就呃我話嗰個係真嘅然後本身話小過$1000就買到 ，本身我都半信半疑 但係佢係咁逼我就算啦。但係最終佢又用嗰啲運費手續費嗰啲嚟呃我 最終俾咗差唔多$2500佢，嗰陣我都已經懷疑，但係又冇去踢爆佢。之後到呢件事發生即係年初三之後幾日，有一晚同佢call都有問佢 佢就堅決否認 然後我就信咗…
事後諗返都覺得自己幾蠢，邊可能會有呢啲事發生，同埋個A要我俾錢呢單野九成九都係佢老作，所以成件事都係佢自編自導自演為咗呃我啲錢，成件事就係咁。
第一次打文 Sorry for 1999