#NSS愛情
[Guest=]] 大家好！又係我 #NSS211109D 板主。話說上次 admin 好快就出咗 post，真係超級無敵感謝！比個心你❤️
前情題要：請稍移玉步至 #NSS211109D
係咁既，我睇完大家D留言之後，好似打咗雞血咁，喺果晚衝咗上 A屋企痴餐。A見到我之後，露出尷尬嘅神情。佢隨即將自己鎖左入房門，並聲稱自己一 D都唔肚餓，決定唔同我地食飯。A媽聽完之後表示好嬲，拜託我將佢捉返出黎。
我當然應承咗，立馬走到佢間房前，敲佢道門，話 auntie 見佢快 D出返黎。佢唔理我，而我繼續敲門。我跟住就用 Whatsapp send 咗句：「先生，我有野同你講。」藍 tick 三秒後，房門緩緩打開。
佢問我：「有咩要同我講？」唔知邊個比勇氣我，我話：「嗱，我淨係講一次。上次嘅事好對唔住，因為我完全無諗過你竟然會鐘意我。仲有就係… 我都幾鐘意你。」講完之後，A呆左，我都呆埋。救命呀媽咪！我居然講咗出黎la！「所以… 你都鐘意我？」「係呀得未？出去開飯la。」A終於露出笑容，尸口巾佢真係好撚可愛！！然後我地就喺曖昧嘅氛圍中進食，不過唔重要所以skip 左。
返到屋企，我不禁好奇佢幾時開始鐘意我，因此我喺 Whatsapp 問佢。過左排佢都冇答，我好驚佢是咪覺得我好煩。不過喺我忐忑不安之時，佢回覆我：「應該係三年級果陣開始gua。」OMG ，同我一樣！我仲以為一直都係我自己單箭頭添！
今日真係好開心，好值得紀念，唔單止獲得一個男朋友，仲係我第一次咁鼓起勇氣講出心底話。如果你都迷茫緊，不如都一齊勇敢去馬，唔好好似我咁怕羞！！加油！
Sor for 1999