#NSS愛情
[GUEST] Hello 大家好 小妹第一次投稿
有啲嘢如果講得唔清楚大家請見諒🙏🏻
是咁的小妹最近有D唔清楚自己嘅感情
小妹有位朋友（以下簡稱A）之前from1嗰陣時不嬲玩開，但暑假嗰時較少聯絡，跟住最近又開始一齊玩。
（覺得關係算係幾閨蜜個種，會同我講關於佢屋企嘅煩惱）
之前A同我講過佢鍾意一個男仔（以下簡稱B)
但暑假嘅時候較少聯絡，所以唔知佢仲係咪鍾意緊(而且返學嘅時候都冇見佢哋點樣互動)
因為B同我同班，但A係隔離班嘅
加上我哋三個都算幾friend，會一齊打機，之前試過一齊去動漫節
我發覺自己開始有啲在意B（當時以為A已經唔再鍾意B）
一段時間之後，我開始發覺自己好似鍾意B
我就即刻去問A，問佢仲係咪鍾意緊B
佢點頭
我心即刻有個少少痛…
後來發覺原來佢哋私底下都有成日一齊打機傾偈，自己心裏面都會有少少舒服
我一邊幫佢哋助攻（開下佢哋一啲曖昧嘅玩笑
一邊當A日常同我講佢同B之間嘅少女心事，自己又會有少少唔舒服
睇落嚟A同B都唔係靠得幾近下，因為佢哋兩個其實都幾耐內向，平時都係好似friend咁樣
我唔知自己係咪癡撚咗線，感覺自己好似個心態扭曲嘅小三
好似自己都唔係愛到幾深嘅地步，只係有陣時會有啲在意佢嘅舉動，亦都會有時撩佢傾偈
我係咪應該放棄？