#NSS愛情
[元朗某英中] admin pls po ig thx❤️
長文慎入
求問各位 點樣可以引起鐘意既男仔既注意
宜家F.3 女
因為某D原因直到今年先有機會返學校面授
D同學完全都只係一年幾前見過 基本都唔熟
啱啱返嚟嘅嗰陣简直似插班生 邊個都唔識
因為以前被人欺凌
造成性格好慢熱、好難融入同相信其他人
更加冇話鍾意人
但係好神奇嘅係
我好快鍾意咗一位同班同學
係一位平時係班入面好活躍嘅男仔
雖然我哋班係精英班
但佢既總成績係我哋班好似唔係好好
但佢又堂堂都好專心好活躍 不斷答問題
佢人超級瘦 瘦到皮膚上面望得到血管
佢雖然唔係最高 但都幾高
於是佢成日應嬌小嘅老師嗌去幫手拉screen
我一開始只是覺得佢嘅動作超級型
後來調位
我都唔知點解會搵咗個理由調到咗佢附近
再之後我發現咗一件事
原來佢同我搭同一條線嘅輕鐵返學
我唔單止放學成日撞到佢
雖然之前上堂老師討論嗰時佢都有話過因為心入面有底線覺得唔應該遲到
但係我仲係好驚訝我哋朝晨竟然都係同一個時間（我鐘意超早返學）
成日係搭同一架輕鐵返到學校
當然我哋唔會打招呼 因為其實都唔熟
但之後我發覺我開始冇意識咁等有機會同佢一齊嗰架輕鐵
於是我就知我鐘意咗佢
本來我諗住一直係咁既話
我坐佢附近 成日係佢面前出現
偶爾佢都問我借下文具
應該有一日我可以成功引起佢注意力
但宜家因為某D原因我要搬走了
以後冇辦法係輕鐵上面“偶遇”佢了
我平時係班入面已經努力活躍 引起佢注意
但佢宜家好似仲系同開學啱見到我嗰時一樣
好似完全冇留意到有我咁樣一個人存在
但我又唔敢直接表白
所以求各位俾啲意見我
我可以點樣令佢注意到我……
又或者 唔知你會唔會見到呢篇估到我
不過就算你估到來問我我可能都冇勇氣認……