#NSS個人
[GUEST] 窮到俾同學笑
小弟我year one，由細到大屋企都窮，即係果種窮，住公屋，但又屋企攞唔到綜援果隻，我有同學屋企窮我小小，但攞到綜援，學費全免。我屋企無得攞，但所以要交學費，中學書簿費都貴，仲慘過攞綜援。唔上唔落好辛苦
中一到中六，成日見同學食m記，譚仔。有時候覺得好羨慕，而我成日食7仔和學校。一條衫同褲著左6年，已經短到痴線都著，爛左照補翻。我知我屋企無左媽媽，係辛苦一啲。中六時候溫書，班同學成日都笑我：「你屋企窮就唔好學人考dse啦，你想入大學？笑死人？」 真係幾傷心💔
之後dse完左，疫情個個無得去旅行，都好唔使俾人笑，之後同啲同學去長州玩。放榜完左之後，我23分，笑我果啲人9分左右。我覺得分數唔係重點，可能他們有工作其他方面優秀過我。
之後入到u後，我就買左部Lenovo 機+ipad air ，用自己錢買，手機用左5年無換到，書包都係中學用到依家。有時候同學聚會笑我，入到u夠唔夠錢食飯，有無住hall。我直接話：「冇啊最近冇咩錢，所以住屋企算。」之後見我無換手機，個個用消費卷買iphone 13 pro max，就問我：「咦？你部手機都用左幾年咯，唔換？」我話：「最近買左其它野。」
之後過左一段時間，覺得自己啲野啱啱好夠用就得，唔需要追求物資潮流。有時候唸翻，自己係中學，每日食頹飯，著舊衫，背個爛書包🎒，用著爛電話，靠自己攢錢，無錢問人借past paper做，最後入u。尼啲可能係我人生中「戰績」黎。
雖然我都知自己當初真係好無面，好丟假。 中學放榜果日有miss話我好型，有成熟。 男班主任講左句令我終身受用的話：「靠自己瀟瀟灑灑走前路，坦坦蕩蕩經歷風雨浪，不改初衷，咁先係男人。」