#NSS愛情
[guest] 是咁的，我鍾意咗個老師。
佢係好溫柔算靚仔嘅人，唔算高但係都高過我。佢係喺我被排擠 欺凌緊嗰陣為數不多同我講嘢嘅人。嗰段時間自問自己真係樣差，又冇身材乜都冇，我真係唔知點解佢會同我講嘢。本身就係純粹傾計，冇乜嘢，但日子耐咗就開始沉船，我開始變到好期待同佢講到嘢嘅每一刻，開始好想見到佢，但係喺呢種感情開始之後半年就畢咗業，之後到而家都冇見過😢
呢幾年中間我地都仲係有keep住聯絡，係喺嗰陣我先發現佢同我一樣，有好多共同樂趣，有時唔開心佢都勁溫柔咁同我傾好耐好耐，雖然每次都係佢已讀我做結尾……
但近排好少傾計，都差唔多2 3個月冇講過嘢，有啲驚佢係有咗女朋友，但唔敢問……我知我好自私，但真係好希望可以同佢關係密啲。
我喺呢幾年嗰樣變咗好多，又因為瘦咗自信咗好多，但我始終冇勇氣去搵返佢，有好多post想喺平時見到覺得有趣嘅時候share俾佢，雖然話年紀大過我，但係相處起冇代溝咁濟。可能會有人話師生關係喺道德上唔應該進化到戀人關係？但係我已經畢咗業，如果咁樣嘅情況去追到底有冇問題…？
鍾意佢真係鍾意咗好耐，好希望有進一步發展，我應該點做先唔會俾佢覺得好突兀咁但又可以有進展……大家可唔可以幫下我…目前諗到嘅好似剩係得聖誕卡可以送，但我連佢住邊都唔知…網上送又好似好冇心機……我想試下爭取一次，佢應該係文科人，容易啲聽得明有隱晦含義嘅句子，求指導🙈