#NSS愛情
[tt ] 我今年中4 女仔 有個難題唔知點好 以下稱鍾意我嗰個男仔為A 一個由細玩到大嘅男仔friend為B 事情起因喺中二未就傳一位男仔(A)鍾意我 我本人就唔想拍散拖 我覺得A鍾意我只係因為新鮮感 所以我冇乜點俾反應佢，佢有問我鍾意啲咩男仔 點解唔拍拖 我都俾啲比較hea嘅回應 喺中三整整一年同佢經歷咗都幾多嘢 有同佢嘈過交幾次 嚴重嗰隻 但係佢都係會用2-3日冷靜自己之後求我原諒佢 我睇得出佢係因為唔想咁樣就冇咗段朋友關係 之後因為我同B好friend（純友誼）我會有時post下同B出街玩嘅相 有時就post下同B嘅搞笑聊天記錄 但係我近排先知原來每次我post完 聽佢啲朋友講A睇到之後都會超級down好唔開心但係我又唔想佢咁樣唔開心 我同B真係純友誼個人認為 之前A有同我嘈過關於男女係冇純友誼 一定有一方講大話 我最近就問A啲friend A係咪呷醋 佢啲friend就話( 好明顯啦 佢自己都知道自己冇身份呷醋所以每次見到你同你嘅friend佢個情緒直接跌到落底 ）A鍾意我有接近2年啦 我睇得出佢對我嘅愛 佢好照顧我 好注重我所有嘅生活大小事情 唔俾我唔開心 佢需要唔識氹女仔 但係我感覺到我唔開心嘅時候佢係真心諗盡辦法令我開心返 但係同樣B又對我好好 同B friend 咗咁耐 仲有一開頭A鍾意我嘅時候佢係比較幼稚 我一句話我鍾意成熟嘅男仔 佢呢一年變咗好多好多 真係成熟咗 但係同時我睇得出佢冇之前咁開心 其實我真係覺得A係可以 我都想同佢試吓 但係我唔想一齊咗之後佢會因為我同B而經常唔開心或者因為A而同B段絕關係 A其實應該會係好多女仔都鍾意佢嘅性格 佢專一 曾經為我拒絕咗一個女仔嘅追求 會優先考慮我嘅感受 包容到我啲脾氣 忍受到我hea佢 雖然佢自己會唔開心 我都係第一次遇到咁愛我嘅男仔但係我又有啲貪心唔想喺A同B只能揀一個