#NSS社會
[GUEST] (呢篇文純粹係想發洩情緒同表達個人意見，如果你唔同意嘅就唔好繼續睇落去）
之前見到個post讃英國生活好好，但係我十分唔同意，你嘅生活好係因為你好彩或者有人幫你。
其實我一開始嚟英國都係有咁嘅諗法，但係住耐左就發現原來英國唔係人地所講嘅咁好。
你可能好好彩識到一啲真心嘅英國朋友，但係英國人真係好撚假。佢哋一係排擠亞洲人或者好似我啱啱到英國咁，啲英國人好nice 同你主動做朋友，之後就完全當你唔存在。我發現當時佢哋咁nice 係因為老師見我插班生安排咗啲人幫我適應校園生活。佢哋根本就唔係真心想識亞洲人，我知道有好多英國學校所有亞洲人都圍埋一堆玩而得好少係英國人會主動同香港人做friend。
講完朋友關係就講種族歧視，可能你住嗰度冇乜種族歧視，或者你好好彩未經歷過。但係我一到英國一個月都唔夠就已經俾人喺街上面大聲鬧我係中國病毒。我住嗰區仲要係算安全同埋唔算偏僻。種族歧視係英國其實係好普遍如果你真係咁好彩冇經歷過就唔好當英國係冇種族歧視呢個問題，因為我知道我身邊好多個香港人都有種族歧視嘅經歷。
你啱啱到英國可能半年都未夠，有好多嘢都未經歷過，唔該你哋唔好咁天真以為英國真係咁好。唔好因為人哋講英國好而自己都信左人哋。因為我相信幾年之後你唔會再覺得英國係一個你所講咁好嘅地方。
你睇到呢篇文可能覺得我應該返香港好過，但係呢啲嘢都唔係我嘅選擇。事實上香港已經唔係一個適合人住嘅地方，而英國亦都唔係一個完美既國家。我只係希望你哋啱啱嚟到英國唔好淨係識得講英國生活幾開心，因為我相信你所經驗到嘅只係一小部份，而你大個咗就會知道其實呢個世界有幾黑暗。