#NSS社會
[cu bba] 無呀，純粹想分享下幼教依一行，因為之前有投稿關於依行，但留言少得可怕同埋都幾負面。例如話有傻仔又想入依行etc
其實我自己就唔係讀幼教嘅，但我媽係做幼教嘅，佢嘅經歷令我feel到其他行外人feel唔到嘅嘢，所以我想企出黎講下幼教那回事。
個個都覺得幼教只係同小朋友挽，好輕鬆就可以搵到飯食，但其實唔係！請大家唔好再睇小幼教依行！幼教更加似係湊仔！我媽share嘅嘢就係佢成日都要幫佢啲仔抹鼻涕，換口罩，除鞋，著鞋，抱佢，其實甚至係抹尿…
仲有依家行緊融合教育，其實依家sen學生真係多咗好多架。我媽嗰班已經有幾個，即使係傳統學校，名校都係咁話。上堂要花好多時間拖著 捉著佢地，其實真係教仔多過教書。所以都成日做到氣喘。跟住又要成日做教案，剪紙，整教具，諗上堂挽咩小朋友唔悶etc。真心少啲腦細胞都唔得架！無超大內心或者唔係無敵鍾意小朋友其實都好大機會同埋好快頂唔順。聽我媽講好多新老師做咗一年兩年就會走人，繼續進修第時做其他嘢，加上其實依家比較出名嘅幼教都係得edu u同bu degree。佢地都唔係收好多人，加上人類係長遠黎講都未去到絕種，生少咗都係一直會有BB比你教，可能競爭係會大咗，但唔會話好多人搵唔到工。其他行業都大競爭架啦，難道唔洗生存？
我想講嘅只係希望大家尊重翻幼教依個行業，唔好係度散播幼教好輕鬆或者出黎無嘢做依啲咁嘅謠言，非專業人士唔好隨便評價依個行業。因為佢地真係好有意義同好辛苦，可以話chur過小學同中學老師。最後希望真心想入幼教依行嘅朋友仔加油！唔好懼怕！加油你地得架！即使世界唔支持你！有我支持你❣️
最後希望admin可以po，真係好想令大家了解更多依個行業。同埋都打咗好耐😂thx