#NSS學校
[SPKC] 小弟讀沙田某間Band 1學校，今年f2。本身自己讀精英班，但其實全班大部份都係高智低能（唔係鬧自己班），所以大家都玩得好high。
坐我隔離係一個肥肥地嘅女仔（叫佢做A），開學嘅時候我就掉咗去佢隔離位。一開始其實大家互相都冇傾過計，係到左學校嘅活動日同佢一組嘅時候大家好high咁一齊玩嘅時候先識佢。佢成績唔錯又好識jock notes（佢好識用OneNote嚟jock notes)，我ut溫書嘅時候叫左佢send 佢份notes 比我，我覺得用佢啲notes嚟溫書好有用。
到左近排我發現佢好似對我有好感，佢會問我要唔要佢啲notes，會喺我跌咗筆嘅時候主動幫我執。因為英文同IS老師鍾意用二人分組討論嘅方法嚟教書，而我又坐喺佢隔離，所以我成日都同佢一組。因為好多次嘅分組令好多人都覺得我同佢有啲曖昧。而家又有一個八卦嘅同學（個同學坐喺A後面隔一個位）見佢幫左我就周圍同人講，仲要講到好大聲！搞到全班都知佢鍾意我！
但其實講真我對佢係有好感，但我淨係想同佢做朋友。加上我有暗戀第二個女仔（叫佢做B），B仲要坐喺A同八卦同學中間！搞到B成日聽到八卦同學講我同A嘅是非。而我覺得B對我有好感，我同佢都對數學有興趣，而佢都成日同我有眼神接觸，我覺得佢先係同我最夾嘅人。
就係咁樣好鬼複雜嘅關係，我都唔想A繼續同我有曖昧，但自己又未夠班同B表白。所以自己都好煩，希望各位比小弟一啲意見。
Sor for 1999🙏🏻🙏🏻